Sectores

Eleccións sindicais en Ensino. Programas electorais e candidaturas

UGT traballa pola mellora do sistema educativo e das condicións laborais e salariais de todos os traballadores e traballadoras do ensino.

Defendemos unha educación de calidade para todos, entendida como un servizo público baseado nos principios de igualdade, solidariedade, liberdade e laicidade. Unha política educativa que defenda e potencie a escola pública como eixo vertebrador do sistema educativo para garantir o acceso universal á Educación.

Os últimos anos foron difíciles para a educación e os seus profesionais. Durante a pandemia aumentáronse as esixencias para uns docentes que garantiron o dereito á educación do alumnado. Mobilizámonos para esixir as mellores condicións de saúde e seguridade para toda a comunidade educativa, e reclamamos un maior investimento que permita a recuperación dos recortes e un axeitado desenvolvemento da nova lei educativa LOMLOE.

Esiximos a negociación dun Estatuto do Funcionario Docente que responda as demandas de profesorado, que inclúa unha auténtica carreira profesional e un desenvolvemento normativo que ofrecezca as oportunidades que necesita a nosa educación e o apoio e os recursos que reclaman os nosos profesionais.

UGT RECLAMA

Corpo único: integración de todos os corpos docentes ao A1 con niveis retributivos 24, 26 e 27.
Diminución das cocientes e redución do horario lectivo a 18 horas en Infantil e Primaria e 15 horas Secundaria e o resto de Corpos.
4+1 xornada lectiva en 4 días co 5º día adicado á formación, innovación e coordinación educativa.
Redución de tarefas burocráticas que sobrecargan o labor docente.
Recuperación do poder adquisitivo e os dereitos perdidos desde o comezo da crise.
Maior investimento educativo incrementando o PIB ata o 7%.
A negociación do Estatuto da Función Pública Docente.
Unha promoción profesional ben retribuída, baseada na acreditación da experiencia laboral e o recoñecemento dos méritos.
Mellorar das condicións de permisos e licenzas.
Plans de formación docente dentro do horario lectivo.
A redución da xornada lectiva do profesorado maior de 55 anos.
A xubilación voluntaria a partir dos 60 anos, independentemente do réxime ao que se pertenza.
Redución da temporalidade mediante a aplicación das medidas establecidas na Lei 20/2021.
Oferta de todas as vacantes nos Concursos de Traslados.
Proporcionar aos centros os recursos humanos e materiais suficientes: apoios, desdobres, reforzos…
Dotar aos centros dos recursos e ferramentas para a atención ao alumnado con necesidades educativas.
Ampliar o catálogo de enfermidades profesionais.
Medidas de conciliación da vida familiar e laboral.
Promover o Medio ambiente e a Sustentabilidade nos centros educativos.
Medidas que favorecezcan as políticas de igualdade e equidade.