Sectores

UGT pide que ao Parlamento estatal celeridade no trámite de modificación da Lei de Función Pública e respectar o acordo asinado sobre xubilación parcial e anticipada para o Persoal Funcionario, incluídas clases pasivas, e Estatutario

UGT Servizos Públicos valora que o Goberno dese o primeiro paso para regular na lei o acceso á xubilación parcial e anticipada do persoal empregado público, como contempla o acordo que o sindicato asinou o pasado mes de decembro.

Con todo, UGT desvincúlase da emenda presentada polo Grupo Parlamentario Socialista que propón ampliar dos 70 aos 72 anos a idade de xubilación forzosa. É unha medida que non contemplaba o acordo subscrito e que o sindicato  non apoia.

UGT espera que, a través de emendas que o Grupo Parlamentario Socialista incluíu para modificar a próxima Lei de Función Pública, se avance na regulación que permite recuperar este dereito para o persoal funcionario e estatutario, e fai un chamamento a todos os grupos parlamentarios para que a tramitación da lei respecte as medidas contidas no texto asinado por UGT e o Executivo.

O acordo equiparaba ao persoal funcionario —incluído o pertencente ao Réxime de Clases Pasivas— e estatutario co resto dos traballadores e traballadoras en España, que xa gozaban deste dereito. Permitirá rexuvenecer os cadros de persoal, diminuír a precariedade e restituír dereitos dos traballadores e traballadoras das Administracións. Un aspecto destacado do acordo que se asinou é que a persoa relevista que substitúa a quen se xubile parcialmente será sempre persoal funcionario de carreira ou estatutario fixo. As prazas necesarias para cubrir as xubilacións parciais estarán garantidas nas Ofertas de Emprego Público do mesmo ano. Este aspecto axuda a reducir a precariedade nas Administracións e evita que se xeren novas bolsas de temporalidade inxustificadas. Así, coloca as Administracións nunha mellor situación para afrontar o futuro e os cambios da sociedade española.

UGT adiantou que fará un seguimento exhaustivo ás emendas rexistradas e as materias contidas nas mesmas. Lembra que hai cuestións como a modificación do carácter de mínimos dos permisos, vacacións e demais adaptacións que debe recoller o Texto Refundido do Estatuto Básico do Empregado Público, conforme ás últimas modificacións lexislativas relativas a permisos, corresponsabilidade e conciliación.