UGT Servizos Públicos manifestou a súa negativa para asinar un Preacordo para a sinatura do XIII Convenio Colectivo de Educación Infantil Privada e de Xestión Indirecta sustentando a súa decisión, con respecto á proposta do pasado 15 de xaneiro, en dous aspectos fundamentais:
1. Valora a proposta salarial como insuficiente.
2. Desconformidade coa cláusula de descolgue.
Ante unha situación límite, non coñecida anteriormente no sector da Educación Infantil, UGT SP quere lembrar, en nome dos seus representantes dos traballadores e da súa afiliación, que traballou con intensidade polo acordo, pero non a calquera prezo. Durante toda a negociación o sindicato tivo propostas proactivas e reformistas baseadas na defensa dos intereses das traballadoras e traballadores do sector da Educación Infantil.
Da mesma maneira, UGT Servizos Públicos xa tendeu a man na mesa de negociación para buscar novas solucións alternativas que poidan servir para desbloquear o convenio colectivo.
UGT Servizos Públicos xa está a traballar con ambición e sen renderse por tratar de mellorar o convenio colectivo co obxectivo de que se recoñezan as capacidades das traballadoras e traballadores do sector á vez que buscará acordos co resto das organizacións para pechar esta negociación canto antes e cunhas condicións dignas.
