Os artigos 33 e 34 da Orde do 7 de xuño de 2018 pola que ditan normas para a adxudicación de destinos provisionais establece que o persoal docente ao que fai referencia o punto décimo quinto do Acordo do 20 de xuño de 1995, poderá optar durante os períodos máximo e mínimo previstos nel, por realizar substitucións nunha ou varias provincias (artigo 33) ou en concellos determinados (artigo 34).
CONCELLOS:
A solicitude debe formularse na páxina web https://www.edu.xunta.gal/substitutos/ para o que será preciso autenticarse mediante usuario e contrasinal de educación, Chave365 ou certificado electrónico.
A solicitude xunto coa documentación xustificativa deberá presentarse no prazo do 15 de xuño ao 15 de xullo de 2024, ambos incluídos, do seguinte xeito:
- Accede á sede electrónica da Xunta de Galicia.
- Preme no botón en cor laranxa “Tramitar en liña”.
- Abrirase unha pantalla informativa sobre a necesidade de dispor de Chave 365 ou certificado electrónico para acceder. Preme no botón “Aceptar”.
- Introduce o teu NIF e a túa contrasinal de Chave 365 ou identifícate co teu certificado dixital.
- Neste intre xa podes cubrir a solicitude para a presentación electrónica da solicitude (código PR004A).
A continuación enche o formulario da solicitude tendo en conta os seguintes termos:
a) No campo EXPÓN: Sinalar ASUNTO: SOLICITUDE DE PRESTAR SERVIZOS EN CONCELLOS PRIMARIA OU SECUNDARIA (segundo corresponda)
b) No campo DESTINATARIO debes elexir no desplegable á esquerda a Consellería de Educación, Ciencia, Universidades e Formación Profesional e no desplegable á dereita Dirección Xeral de Centros e Recursos Humanos. Unha vez cuberta a solicitude preme no botón “Continuar”.
Neste paso debes anexar a seguinte documentación:
- A solicitude de prestar servizos en concellos previamente cuberta na aplicación web substitutos https://www.edu.xunta.gal/substitutos/
- A documentación xustificativa da solicitude de prestar servizos en concellos segundo a causa que se alegue.
Unha vez anexada a dita documentación, preme no botón “Continuar”.
A continuación deberás asinar a solicitude xenérica e presentala no rexistro para o que se che enviará ao teu teléfono un pin que deberás introducir para finalizar a presentación ou no caso de certificado dixital deberás introducir a túa contrasinal.
Por último, a sede electrónica informarache que estará correctamente presentada a túa solicitude e poderás obter o recibo xustificativo coa data e hora de presentación e o número de rexistro.
Lembra que é obrigatorio incluír na petición concellos en que se impartan materias ou áreas ou módulos profesionais atribuídos á especialidade correspondente e que esta opción será por todo o curso académico.
PROVINCIAS:
A solicitude debe formularse na páxina web https://www.edu.xunta.gal/substitutos/ para o que será preciso autenticarse mediante usuario e contrasinal de educación, Chave365 ou certificado electrónico.
A solicitude deberá formularse no prazo do 15 de xuño ao 15 de xullo de 2024, ambos incluídos e non será preciso a súa presentación en sede electrónica.
Lembra que será obrigatorio incluír provincia/s na/s que se imparta á especialidade correspondente e que a súa opción terá efectos durante todo o curso académico. No caso de que non efectúe opción enténdese que desexas prestar servizos en todas as provincias da Comunidade Autónoma.
