Reivindicacións lexítimas. Solucións urxentes para o persoal do ensino concertado

Tras dúas convocatorias de folga cun éxito extraordinario no ensino concertado galego, a Consellería continúa sen dar resposta ás reivindicacións do persoal e sen convocarnos á mesa de negociación.

Esta falta de vontade negociadora obríganos a manter as convocatorias de folga previstas para hoxe, *10 de novembro, e para o vindeiro *15 de decembro.

O persoal do ensino concertado galego leva tempo reclamando solucións urxentes ás súas demandas laborais e profesionais. O éxito das mobilizacións demostra a unidade e o compromiso do colectivo coa defensa dos seus dereitos e coa mellora das súas condicións laborais.

Desde as organizacións sindicais reiteramos a nosa disposición ao diálogo, pero esiximos á Consellería que abandone a súa pasividade, nos convoque á mesa de negociación e dea respostas concretas ás reivindicacións presentadas.

Sen negociación non hai solución. Seguimos mobilizándonos!