UGT, tras sucesivas publicacións da fase de concurso de distintas categorías da denominada OPE Social, e vendo que presentan os mesmos erros que a primeira categoría publicada (terapeuta ocupacional), presentamos o escrito o pasado o 19 de setembro. Ante esta primeira publicación UGT xa deu a voz de alarma e presentou o escrito solicitando a revisión de oficio dos certificados de experiencia profesional aportados.
As sucesivas publicacións de fases de concurso doutras categorías da OPE Social: psicoloxía, fisioterapia e educador social, como era previsible tras a aplicación do mesmo sistema de valoración de méritos, presentaron os mesmos erros. Polo que UGT presentou o escrito solicitando a revisión de oficio dos certificados de experiencia profesional aportados o pasado 10 de outubro.
Actualmente, cónstannos erros a maiores na valoración de méritos na fase de concurso nas categorías de medicina e enfermería.
Nas distintas mesas e reunións de negociación que se celebraron, UGT reivindicou a revisión dos baremos da fase de concurso de todas as categorías da OPE Social e a solución destas incidencias.
Na actualidade as categorías que presentan erros son: terapeuta ocupacional, psicoloxía, fisioterapia, educador social, medicina e enfermería.
Unha das posibles causas destes erros pode ser que algún organismo non incluído no catalogo de servizos sociais, tal é o SERGAS nalgunha das súas Xefaturas Territoriais, marcou a cruz de servizos no catalogo de servizos sociais.
Por todo o exposto UGT volveu a presentar escrito con data de 17 de outubro solicitando a revisión de oficio dos certificados de experiencia profesional aportados polos aspirantes, anulando todo certificado de organismos que non pertencendo ao catalogo de servizos sociais esté marcado como tal ou a súa valoración no apartado correspondente. Evitando asi a xudicialización individual e eternización duns procesos selectivos que deberían desenvolverse coa máxima seguridade e eficacia dunha administración.
