INCREMENTO DO 3,5%, E ATRASOS DESDE O 1 DE XANEIRO
EN SALARIO FIXO EN TODOS OS CONCEPTOS RETRIBUTIVOS
Con data do venres 4 de novembro de 2022 UGT asistiu á reunión onde se acordou a aplicación ao persoal laboral de Correos do 1,5% de subida adicional de 2022. Este Acordo permitirá unha subida do 3,5 % (2% inicialmente previsto máis a subida do 1,5% adicional conseguido grazas ao Acordo Plurianual alcanzado por UGT e CCOO na Mesa de Función Pública) aplicable a todos os conceptos retributivos e que será consolidable. Tamén deberán abonarse nesta nómina en paga única todos os atrasos acumulados desde ao 1 de xaneiro. A dirección confirmou que o pago realizarase na nómina do mes de novembro e verase reflectido na nómina do persoal funcionario, laboral fixo e eventual.
UGT conseguíu que Serrano renunciase ás súas pretensións de utilizar como moeda de cambio a subida salarial prevista para 2022 para convertela en parte en salario variable, nas falsas negociacións para validar o seu “convenio do despezamento”, nas que outros sindicatos participaban gustosamente. E ademais grazas á aplicación a todas as empresas públicas do Acordo co goberno os seus contidos salariais e de dereitos son esixibles en Correos. Permitindo que aínda afrontando unha situación económica de inflación desmedida e da hecatombe económica en que a xestión de Serrano deixou á empresa, garántanse para o persoal de Correos uns incrementos salariais para os próximos anos de ata un 9,80%, sen contrapartida negocial a cambio.
Incrementos salariais en Correos a través do Acordo Plurianual 2022-2024 asinado por UXT e CCOO para o sector público:
- 2022 incremento consolidado do 3,5% en salario fixo.
- 2023 ata un 3,5%: 2,5% en salario fixo consolidable, máis a posibilidade de subidas adicionais, tamén consolidables, do 0,5% en función do IPC e do 0,5% ligado á evolución do PIB.
- 2024 ata un 2,5%: un 2% en salario fixo consolidable, máis a posibilidade de subidas adicionais do 0,5% tamén consolidable en función do IPC.
Na propia reunión UGT sinalou que a subida salarial para 2023 ten un 2,5 fixo que irá na próxima Lei de Orzamentos e para cuxa aplicación en nómina, Correos debe ir traballando xa, e que Correos está obrigado de maneira directa polo Acordo ao desenvolvemento e mellora de dereitos laborais como a Xornada de 35 horas, cobranza 100% en IT para persoal laboral, xubilacións anticipadas, mobilidade interadministrativa, subida de suplido para persoal rural, entre outras e esiximos á empresa que cumpra con iso e lembramos que seguimos na mobilización e a marea amarela e que loitamos por conseguir un novo escenario en Correos onde poidan negociarse incrementos salariais singulares.
