SUBA DO 0,5% NA NÓMINA DO MES DE NOVEMBRO:
Informan que a suba do 0,5% con atrasos dende xaneiro, consecuencia do Acordo Marco para unha Administración do Século XXI asinado por UGT verase reflectida na nómina do mes de novembro, logo de pasar a semana que ven por Mesa Xeral e Comisión de Persoal.
O Acordo Marco para unha Administración do Século XXI asinado por UGT recolle para todos e todas as empregadas e empregados públicos de todas as administracións e organismos públicos, no ano 2023 tres subidas salariais: unha subida fixa do 2,5% xa aplicada, máis dúas subidas variables do 0,5% cada unha.
A primeira se aplica xa que se cumpre a condición de que o IPC harmonizado de 2022 e 2023 supera o 6%, ten carácter retroactivo e consolidable. A segunda cobrarase a principios de 2024 se o PIB en 2023 alcanza o 2,1%.
Son sen dúbida boas noticias contar cunhas subidas salariais “aseguradas” grazas á responsabilidade que UGT Servizos Públicos demostrou avalando coa súa sinatura este Acordo, cumprindo coa defensa da recuperación de salarios, dereitos e emprego, con medidas concretas que como esta permiten incrementar os salarios e amortecer as perdas de poder adquisitivo cando máis se necesita.
ACTUALIZACIÓN DO DECRETO DE INDEMNIZACIÓNS:
En aplicación do Acordo Marco estatal publicouse a Orde HFP/793/2023, de 12 de xullo que se revisa o importe da indemnización por uso de vehículo particular, 0,26 euros por KM, establecida no Real Decreto 462/2002, de 24 de maio, sobre indemnizacións por razón do servicio, informan que se está traballando na adecuación de outros conceptos do Decreto de indemnizacións (manutención e aloxamento).
UGT SP reiteramos a necesidade de incidir na homoxenización entre grupos.
POLÍTICA SOCIAL E XUVENTUDE:
Informan que en breve traerán á negociación unha RPT con creación de prazas, ligadas a os EVOs e servicio de recoñecemento de discapacidades. Incluirase a creación de prazas de Traballo Social co fin de ofertar ditos códigos á elección de destino que está pendente.
A Xunta reitera o que comprometeu na negociación a finais de 2023.a todos os sindicatos: en novembro pagará os atrasos do Acordo de condicións de traballo do persoal de centros de Política Social para o mes de novembro, así como a creación de postos noutra RPT
A semana que ven convocarán á comisión técnica de carteleiras.
Preguntado sobre as xornadas que están a realizar o persoal de dirección dos centros, e a posibilidade de que exista unha edición para outro persoal, a resposta foi que en xaneiro teñen a previsión dunha nova edición aberta.
CONSORCIO GALEGO DE SERVIZOS DE IGUALDADE E BENESTAR:
Informa que de o antes posible, “de inmediato”, estarase a negociar a RPT, xa está en Función Pública e que se procederá antes do envío ás OOSS á súa actualización (a que alegamos era do 2021), nesa actualización contemplarase os postos novos creados dende entón, a actualización dos niveis parellos aos das mesmas especialidades nos centros de Política Social, e formularase as cuestións que quedaron sen debater: itinerancias, as direccións dos centros, as coordinacións e as medias xornadas.
Preguntado pola integración do persoal laboral fixo, a resposta é que vanse a enviar requirimentos a partir da semana que ven, ás persoas que non teñen o seu expediente completo, a fin de poder convocar á comisión de integración.
UGT á vista “bo facer” ao que nos teñen acostumados o Consorcio, suxerimos que se valorase a posibilidade de que os requirimentos os faga a Dirección Xeral da Función Pública.
CONCURSOS DE TRASLADOS:
Informa que serán convocados nesta orde:
- Bombeiros/as Forestais.
- Política Social e Xuventude, incluíndo o Consorcio.
- Administración Especial (tradicional)
A orde prevista de execución coordinando as tomas de posesión é a seguinte:
- Concurso de traslados PREVIO con todas as vacantes e resultas.
- Toma en provisional das persoas pendentes de finalización de procesos selectivos.
- Toma de posesión en definitivo dos procesos que están en provisional.
No posible intentarán dentro das posibilidades de execución segundo as escalas, a toma de posesión en definitivo dos procesos derivados da Lei 20/2021, entre os que en primeiro lugar elixiran as persoas dos procesos de concurso e a continuación os de concurso-oposición.
