Consideración inicial:
UGT non considera aceptable o retraso da convocatoria de esta Comisión para tratar o estudo dos asuntos que lle son propios.
Si ben é certo que o Acordo trouxo consigo unha mellora de número de prazas, tamén o é que esta organización o considera insuficiente en determinados centros, entre outras cousas porque non se está procedendo á cobertura de situacións como as adaptacións de posto, que inflúen no resto de persoal xa mermado.
A Dirección Xeral de Emprego Público responde afirmando que as condicións de traballo do persoal dos centros de Política Social melloraron tras a aplicación do Acordo asinado coas 4 organizacións sindicais. A negociación do Acordo levou consigo a realización dun estudo sobre as carteleiras cuxo resultado foi o aumento de máis de 200 postos de traballo, entre as novas creacións e as conversións das medias xornadas en xornada completa.
Días de compensación e horas de redución establecidas no Acordo e colocación das C nas carteleiras:
UGT considera que non se debe de modificar o Acordo no redactado sobre as compensacións, onde di textualmente “por cada grupo de 4 festivos e/ou domingos traballados terase dereito a dous días adicionais de descanso”.
Unha vez colocadas as C, estas non deben solapar co descanso obrigatorio entre xornadas(12h.), evitando secuencias como TCM e NCM, xa que ao ser días de descanso adicional deben de ser tratadas como un festivo (24hs).
A Administración en resposta considera que é posible recorrer a este tipo de secuencias pero que se tratarán de evitar na medida do posible.
Ao respecto do persoal que realiza substitucións de curta duración, entendemos que tanto as C como RN deben ser proporcionais ao tempo traballado, procedendo á súa compensación ao remate da prestación de servizo.
Compensación dos días 24 e 31:
UGT non pode permitir que unha vez máis que a Administración queira modificar o Acordo sobre esta cuestión tendo dobre compensación, a xerada por ser festivo, máis un día de descanso por xornada efectivamente traballada, como así o recolle o Acordo.
Sobre esta cuestión a Administración responde que: “a estes días xa se lles da unha compensación económica ademais de contar como festivo para a súa compensación”.
Vacacións:
UGT require da Administración criterios claros, concisos e únicos na súa aplicación, dada a existencia de problemas que xerou esta descoordinación o verán pasado coa colocación dos Aps.,e sen que ninguén reunise a esta Comisión.
Este asunto quedou sen resposta.
Intersubstitucións:
Sempre e en todo caso UGT entende que para a cobertura a través desta figura debe atenderse en todo momento á voluntariedade na súa prestación, e unha vez que se teña acudido á posibilidade da cobertura mediante o persoal das listas do Decreto 37/2006.
Consideramos que tal e como se establece na definición o apartado c) da cláusula 9ª, do Acordo, na medida do posible, non se realizarán máis de 12 quendas de intersubstitucións anuais, estas deben estar distribuídas nun período distinto ao anual, é dicir ,que teñan un tope ao mes ou trimestralmente ata alcanzar as 12 anuais, debendo ser estudadas si permanece no tempo.
Ao respecto das contías económicas considerámolas insuficientes, remitíndonos ás nosas alegacións a esta cuestión.
Convocatorias da comisión de seguimento e subcomisións:
Esiximos que se produzan as convocatorias de xeito continuo no tempo, a fin de poder aclarar as distintas situacións anómalas na xestión e implementación do contido do Acordo.
