Na reunión mantida hoxe polo Comité de Empresa da Consellería do Medio Rural na provincia de Pontevedra UGT aportou os seguintes puntos a tratar na orde do día:
- Instrucións para a compensación das prolongacións de xornada:
Consideramos que todas as prolongacións de xornada teñen que ser devoltas, tal como establece o V Convenio Colectivo. Conforme a isto, propoñemos no Comité que se remita escrito a Dirección Xeral solicitando que esta envíe instrución para a compensación das prolongacións de xornada realizadas. Acórdase enviar escrito a dirección xeral.
- Análise do traballo de extinción dos lumes:
UGT solicita que se faga unha análise posterior á extinción dos incendios máis significativos, analizando os acertos e os erros cometidos en extinción, buscando mellorar operativamente, incluíndo persoal das diferentes categorías que participaron na extinción.
Acórdase enviar escrito á Dirección Xeral.
- Aumento do tempo de traballo do persoal do SPIF:
UGT leva pedindo reiteradamente que se cumpra o acordo do aumento do tempo de traballo do persoal fixo descontinuo de 9 meses a todo o ano, asemade pedimos unha folla de ruta para o aumento do tempo de traballo do persoal de 6 meses, ata alcanzar o pleno emprego.
Acordase enviar escrito á Dirección Xeral.
- Formación do persoal do SPIF:
UGT solicita que a formación ofertada ao SPIF esté aberta a todas as categorías e sexa homologada ou ben pola EGAP ou pola AGASP.
Acórdase enviar escrito á Dirección Xeral.
- Brigadas helitransportadas externalizadas:
UGT solicita que o persoal das brigadas helitransportadas sexa contratado como persoal propio da administración, evitando a disgregación do colectivo e unhas diferentes condicións laborais para o persoal que realiza as mesmas tarefas nos traballos de extinción.
Acórdase enviar escrito á Dirección Xeral.
