O Acordo Marco para unha Administración do Século XXI recolle incrementos salariais e melloras básicas e xerais nas condicións laborais do persoal das administracións públicas, sen prexuízo das competencias de negociacións de cada administración, a partir deste Acordo xeral.
En materia salarial, nos anos 2022 e 2023 cumpríronse os obxectivos marcados no Acordo Marco, polo que con carácter xeral todo o persoal empregado público tivo máis dun 7% de incrementos fixos aos que hai que sumar o 2% previsto para este ano 2024, quedando pendente un 0,5% máis cando se cumpran os obxectivos do IPCA.
O Goberno comprometeuse con UGT e CCOO a recoller nun próximo RDL o 2% pactado como primeiro incremento de 2024 e que con carácter xeral aplicarase a todo o persoal de todas as administracións e entidades públicas.
Ambos sindicatos insistimos en que debe incluírse a derrogación total do Decreto de 2012, comprometida no Acordo Marco e devolverlle ao EBEP a xubilación parcial do persoal funcionario así como o carácter mínimo de permisos, licenzas e vacacións.
UGT instamos ao Goberno a iniciar inmediatamente a negociación da xubilación parcial, clasificación profesional e adaptación ao MEC, Marco Europeo das Cualificacións Profesionais.
