- Corpo superior da Administración xeral, subgrupo A1.
- Categoría 04 (titulado/a superior) e categoría 19 (titulado/a superior especialista farmacéutico/a) do grupo I.
- Corpo facultativo superior de Administración especial, escala de veterinarios, subgrupo A1
- Categoría 05 (titulado/a superior veterinario/a) do grupo I
- Corpo facultativo superior de Administración especial, escala de facultativos, especialidade de psicoloxía, subgrupo A1
- Categoría 06 (titulado/a superior psicólogo/a) do grupo I
- Corpo facultativo superior de Administración especial, escala de ciencias, especialidade de bioloxía, subgrupo A1
- Categoría 37 (titulado/a superior ambiental) do grupo I
- Corpo facultativo superior de Administración especial, escala de enxeñeiros, especialidade de enxeñaría de montes, subgrupo A1.
- Categoría 37 (titulado/a superior ambiental) do grupo I.
- Corpo de xestión da Administración xeral, subgrupo A2.
- Categoría 07 (titulado/a de grao medio) do grupo II.
- Corpo facultativo de grao medio de Administración especial, escala de técnicos facultativos, especialidade de traballo social, subgrupo A2.
- Categoría 17 (asistente/a social) do grupo II.
- Corpo facultativo de grao medio de Administración especial, escala de técnicos facultativos, especialidade de terapia ocupacional, subgrupo A2
- Categoría 20 (terapeuta ocupacional) do grupo II.
- Corpo facultativo de grao medio de Administración especial, escala técnica de restauración, especialidade de documentos gráficos, subgrupo A2.
- Categoría 31 (restaurador/a) do grupo II.
- Corpo facultativo de grao medio de Administración especial, escala de enxeñeiros técnicos, especialidade de enxeñaría técnica forestal, subgrupo A2.
- Categoría 41 (técnico/a ambiental) do grupo II.
- Corpo administrativo da Administración xeral, escala de axentes de inspección, especialidade de mobilidade, subgrupo C1.
- Categoría 49 (axente auxiliar de inspección de transportes) do grupo III.
- Corpo administrativo da Administración xeral, subgrupo C1
- Categoría 02 (encargado/a administrativo/a…) e categoría 62 (oficial/a 1ª administrativo/a) do grupo III.
- Agrupación profesional de persoal funcionario da Administración xeral, escala de persoal de limpeza e cociña, especialidade de persoal de limpeza e cociña.
- Categoría 01 (camareiro/a limpador/a…) do grupo V.
- Agrupación profesional de persoal funcionario da Administración xeral, escala de persoal subalterno.
- Categoría 03 (ordenanza, celador…) do grupo V.
Prazos:
- Para a formalización do acordo de conformidade de cambio do vínculo xurídico:
- A partir da publicación desta orde no DOG, o persoal laboral fixo incluído no anexo II deberá asinar un acordo de extinción do contrato de traballo.
- Os efectos administrativos da sinatura deste acordo de extinción serán do 30/09/2024.
- A extinción estará condicionada á efectiva toma de posesión como persoal funcionario de carreira.
- Para o cambio do vínculo xurídico coa Administración:
- A toma de posesión como persoal funcionario de carreira, que implicará o cambio do vínculo xurídico coa Administración, será o 1 de outubro de 2024.
- Cómputo dos prazos en caso de permisos, licenzas ou incapacidade temporal e incapacidade permanente con reserva de posto:
- No caso de vacacións, permisos ou licenzas, o prazo para a sinatura do acordo de extinción comezará a contar desde a súa finalización; o día da toma de posesión será o seguinte hábil ao da sinatura do dito acordo.
- Nos supostos de incapacidade temporal ou incapacidade permanente con reserva de posto, o cómputo do prazo iniciarase a partir da correspondente alta ou reincorporación.
- Quedan exceptuadas do disposto no parágrafo anterior as situacións derivadas da maternidade ou paternidade.
Efectos do incumprimento dos prazos:
- Agás as causas de forza maior debidamente acreditadas e apreciadas pola Dirección Xeral de Emprego Público e Administración de Persoal, implicará que a persoa interesada desiste voluntariamente da súa funcionarización e, polo tanto, non se producirá o cambio do seu vínculo xurídico, e manterá a súa condición de persoal laboral fixo e todos os dereitos inherentes á dita condición.
Excedencias:
- O/a traballador/a conservará a situación administrativa que teña recoñecida noutras categorías laborais antes da adquisición da súa condición de persoal funcionario de carreira.
Compatibilidades:
- As persoas que teñan autorizada ou recoñecida a compatibilidade para o desempeño doutra actividade dispoñen dun prazo máximo de dez días hábiles contado desde o seguinte ao da toma de posesión para solicitar a compatibilidade conforme a nova condición, entendéndose prorrogada a compatibilidade mentres se dita a nova resolución. Todas as autorizacións ou recoñecementos de compatibilidade realizados con anterioridade á modificación do vínculo xurídico quedan automaticamente sen efecto.
Mantemento das interinidades:
- Cando o persoal laboral fixo que, estando en excedencia forzosa, excedencia por coidado de fillo e familiares ou con permiso sindical a tempo completo, tome posesión como persoal funcionario de carreira, a persoa substituta continuará desenvolvendo o posto de traballo nas mesmas condicións e circunstancias malia o cambio na correspondente relación de postos de traballo do tipo de posto.
Reducións de xornada:
O persoal laboral fixo que, no momento de producirse o cambio de vínculo xurídico, tivese concedida unha redución de xornada, poderá continuar coa mesma redución que tiña concedida unha vez que se formalice o cambio.
