Mesa Xeral e Comisión de Persoal (25/04/2024)

Onte tiveron lugar as reunións de Mesa Xeral e Comisión de Persoal, nas que se trataron as seguintes cuestións:

MODIFICACIÓN DA RPT FUNCIONARIZACIÓN DO GRUPO B E SUBGRUPOS C1 E C2

Proponse pola Administración a funcionarización dos seguintes postos, dos que 167 pasan a formar parte da oferta no concurso de traslados de corpos xerais, de próxima convocatoria:

Voto emitido en Comisión de Persoal:

UGT: a favor CIG: en contra CCOO: a favor CSIF: abstención

Sentido do voto de UGT:

Trátase da 6ª RPT de funcionarización voluntaria consecuencia do Acordo de concertación do emprego público de Galicia, asinado por UGT, que supón, como nas anteriores, a posibilidade de incrementar a súa retribución, cun custo adicional en nóminas para a Administración de 215.897,32€, sen aplicación de complementos de funcionarización a ningún posto.

ROGOS E PREGUNTAS:

Información facilitada por Función Pública:

• Procesos selectivos:
  • Están remitidos os buzóns para a toma de posesión dos subgrupos C1 e C2.
  • Notas do segundo exercicio de A1 previsto publicar no mes de xuño.
  • Notas do segundo exercicio de A2 previsto publicar antes do 15 de maio.
  • Discapacidade intelectual: sobre o destino definitivo recoñecen que se trata dun tema sensible e traballan sobre os postos a ofertar. En próximos días sairán as notas dos procesos de auxiliar administrativo e da agrupación profesional.
• Funcionarización:
  • Están rematando a RPT dos grupos III e IV que traerán á negociación nas vindeiras semanas.
• Concursos de traslados:
  • En trámite: Axentes Medioambientais, Persoal do SPIF, Gardacostas, Consumo e varias escalas de Administración especial.
  • Administración xeral: incorporadas as 164 prazas de funcionarización aprobadas hoxe. Previsto publicar o buzón definitivo na entorna do 15 de maio.
  • Escalas de Política Social:
    • Prevista negociación da RPT do CGSIB nas vindeiras semanas. Cando se aprobe convocaranse os concursos das escalas de Política Social.
  • Afirman que todos os concursos estarán resoltos entre este ano e o ano que ven, co que sería posible afrontar os concursos con carácter anual.
• Procesos Lei 20/2021:
  • Están baremadas 19 escalas de A1, ao longo do mes de maio publicaranse os baremos provisionais, posiblemente algunha escala máis, están validando o A2.
  • Na baremación da formación, indican que son moitas as persoas que teñen entre 80 e 100 entradas de datos de formación, co que para este procedemento ao acadar a puntuación máxima só se lles valorará ata o límite máximo.
  • Prevén ter todo publicado en provisional antes do mes de agosto (210 procesos)
  • Alí onde sexa posible, por estar resolto o concurso de traslados, as tomas de posesión serán en definitivo, se non serán en provisional a expensas de remate dos concursos.
• Integración do CGSIB:
  • Remitida documentación ás OOSS, para reunión da Comisión de integración canto antes.
• Prazas de Augas de Galicia, de persoas non integradas, incluídas no buzón do concurso de corpos xerais:
  • A pregunta de UGT ao respecto, a DXFP responde que se retirarán de igual xeito que se fixo nos concursos de especiais.
• OPE 2024:
  • Está prevista a súa negociación logo do verán.

Na Mesa Xeral consecuencia dos cambios no Goberno, tivo lugar a despedida de José María Barreiro Díaz, logo de dezaseis anos ao fronte da Dirección Xeral da Función Pública, e a presentación de Nuria Aguilar Vázquez, como Directora xeral de emprego público e administración de persoal. Agradecemos o traballo do saínte e esperamos diálogo e negociación da entrante para seguir acadando melloras en salarios, dereitos e emprego, tan merecidas e xustas para as persoas empregadas públicas da AXXG.