Mesa Sectorial de Persoal Funcionario e Comisión de Persoal (03.02.2023)

Hoxe tiveron lugar as reunións de Mesa Sectorial de persoal funcionario e a continuación unha Comisión de Persoal, nas que se trataron as seguintes cuestións:

A convocatoria de NOVOS PROCESOS SELECTIVOS EXTRAORDINARIOS DE ESTABILIZACIÓN derivados da Lei 20/2021, por quenda de ACCESO LIBRE e polo sistema de CONCURSO-OPOSICIÓN, seguintes:

• – Subgrupo A1, escala de ciencias, especialidade en Química (1 praza)
• – Escala auxiliar do SPIF, subgrupo C2, Bombeiro/a Forestal (56 prazas).
• – Escala de Persoal de Mantemento, subgrupo AP (16 por concurso e 2 por concurso-oposición).

Na Mesa Sectorial a Dirección Xeral, como información previa ao inicio da reunión, comunica a intención de proceder:

• – Á retirada das prazas do SPIF dos procesos selectivos da Lei 20:
  • o Subgrupo C2:
    • Especialidade emisorista/vixilante fixo/a: 21 prazas de concurso.
    • Especialidade bombeiro/a forestal-condutor/a motobomba: 24 prazas de concurso e 2 de concurso-oposición.
  • – Engadir as seguintes prazas:
    • o Subgrupo C1:
      • Xefe/a de Brigada: 1 praza por concurso (pasan de 16 a 17)
    • o Subgrupo C2:
      • Especialidade de Bombeiro/a Forestal: as 205 convocadas nas resolucións do mes de decembro, divídense agora en 154 polo sistema de concurso e 56 por concurso-oposición, pasando a ser as convocadas 210 prazas.
    • o Grupo IV categoría 33 (Bombeiro/a Forestal condutor de motobomba):
      • Pasan das 143 convocadas (137 por concurso e 6 por concurso-oposición) a 221 por concurso.

ANALIZAMOS E DAMOS OPINIÓN DESTES DATOS NO PUNTO CORRESPONDENTE.

SUBGRUPO A1, ESCALA DE CIENCIAS, ESPECIALIDADE EN QUÍMICA (1 PRAZA).

UGT: A FAVOR        CIG: en contra                        CCOO: a favor                        CSIF: en contra.

POSICIÓN DE UGT:

Corresponde con alegación realizada por UGT, trátase de engadir un novo proceso, que como se informa, contén 1 praza polo sistema de concurso-oposición e non estaba previamente convocado.

En tanto que se trata dunha praza non contemplada nas convocatorias do mes de decembro e consideramos que en función dos parámetros da Lei 20 debe ser incluída. O procedemento cumpre co regulado e aprobado para o resto de especialidades do A1, polo tanto procede o voto a favor.

ESCALA AUXILIAR DO SPIF, SUBGRUPO C2, BOMBEIRO/A FORESTAL (56 PRAZAS).

UGT: A FAVOR        CIG: en contra                        CCOO: a favor                        CSIF: en contra.

POSICIÓN DE UGT:

En atención a que era unha alegación de UGT, a inclusión das 56 prazas polo sistema de concurso-oposición, dado que a publicación da convocatoria contiña 205 prazas pero a listaxe da páxina web reflicte 154 polo sistema de concurso e 56 polo de concurso-oposición, era de xustiza recoñecer o que a propia administración tiña publicado.

O anterior non ten que ver co anuncio realizado pola administración, en tanto que UGT considera UN DESPROPÓSITO E UN CAMBIO DE REGRAS DO XOGO Á MITADE DA PARTIDA, o feito da eliminación de prazas das categorías de emisorista/vixilante e condutor de motobomba.

Fixemos mención das convocatorias realizadas en DOG e as comunicadas a través da listaxe da web de Función Pública, ao respecto, segundo as que :

UGT considera que NON É PROBLEMA DAS PERSOAS QUE CUMPREN os requisitos regulados, tanto no artigo 2 como nas disposicións adicionais sexta e oitava, O FEITO DE QUE EXISTA UN DESCADRE DE PRAZAS OFERTADAS NO ANO 2019.

UGT advertiu no seu momento que a OPE era incorrecta e o QUE NON TEN CABIDA É QUE SE PRETENDA QUE AS PERSOAS CON DEREITO A QUE A SÚA PRAZA SE INCLÚA PAGUEN UNHA INCORRECTA CONVOCATORIA, que en todo caso era por QUENDA LIBRE e NON DE ESTABILIZACIÓN NIN CONSOLIDACIÓN.

UGT REXEITA A ELIMINACIÓN DE PRAZAS e INSTA A QUE AS PERSOAS AFECTADAS PROCEDAN Á RECLAMACIÓN QUE ESTIMEN PERTINENTE, a organización analizará cos Servizos Xurídicos as accións legais que corresponda interpoñer.

En todo caso e entendendo que o sometido a votación é a ampliación de 56 prazas polo sistema de concurso-oposición, corresponde votar a favor, en tanto que é abrir unha posibilidade pechada ata este momento e reclamada por esta organización.

A conclusión logo do escoitado hoxe, no SPIF, quedaría así:

En cor vermello están as que Función Pública anuncia a retirada e en cor azul as que se engaden

UGT RECLAMA E REQUIRE DE FUNCIÓN PÚBLICA UNHA SOLUCIÓN PARA QUE AS PERSOAS CUXAS PRAZAS DEBEN INCLUIRSE NAS OFERTADAS POLA LEI 20 NON VEXAN MINORADO O SEU DEREITO. NON É PROBLEMA DAS PERSOAS QUE CUMPREN, É PROBLEMA DA INCORRECTA XESTIÓN DUNHA OPE QUE NUNCA DEBEU SER PUBLICADA, POR CERTO …. ERA DE QUENDA LIBRE, CONSUMINDO TAXA DE REPOSICIÓN.

ESCALA DE PERSOAL DE MANTEMENTO, SUBGRUPO AP

UGT: A FAVOR        CIG: en contra                        CCOO: a favor                        CSIF: en contra

Aténdese á alegación de UGT ao respecto de que se inclúan as 18 prazas das categorías V-002 e V-012 (16 por concurso e 2 por concurso-oposición), que foran suprimidas na publicación do DOG .

Requirimos concreción nos temarios e especificación dos contidos.

Non pode ser que no día de onte se achegue un temario sen contidos específicos e no día de hoxe, unha hora antes da Comisión de Persoal se traslade uns contidos xenéricos e abstractos. Función Pública e as Consellerías implicadas deben facer o esforzo de determinar os epígrafes e que se facilite ás persoas interesadas nos procesos, cando menos as referencias bibliográficas precisas que se correspondan cos epígrafes dos temas propostos.

ROGOS E PREGUNTAS:

A preguntas de UGT e das outras OOSS, responden:

• – Abrirase un novo prazo de solicitude para as convocatorias engadidas no día de hoxe, unha vez publicadas en DOG, tendo como data de referencia para a acreditación de méritos a do día da publicación  no DOG das convocatorias correspondentes a estas escalas e non o 26 e 27 de decembro, anteriores.
• – Van a remitir o vindeiro luns unha relación dos procesos afectados polas convocatorias en marcha.
• – As vacacións retribuídas e non desfrutadas contabilizarán como tempo efectivo de traballo, na valoración do tempo de traballo nos procesos selectivos da estabilización.
• – Celga 4: a esixencia do mesmo para todas as categorías publicada en DOG, será rectificada, tal e como xa consta nas preguntas frecuentes, publicadas na web de función pública.
• – Exames do CGSIB: darase solución na comisión de valoración.
• – Contabilización dos procesos para listas: quedaron en aclarar a cuestión e publicala (non hai decisión tomada).
• – Os listados provisionais e definitivos dos procesos “inconclusos” quedaron en que publicaranse nas próximas semanas (a vindeira e a seguinte) informa de que para a semana que ven sairán as de auxiliar de enfermería, traballo social, educación social e veterinaria.
• – A listaxe das prazas das persoas “fixas” como consecuencia das disposicións transitorias oitava e novena da LFPG do Decreto lexislativo 1 /2008, será remitido o luns que ven ás OOSS.

Ás nosas preguntas sobre a listaxe da folla de cálculo publicada na web de función pública, responden que daranlle outro formato e validez xurídica, así mesmo que procederán á actualización da listaxe nun tempo prudencial de conformidade se produza a finalización dos procesos en marcha.

INFORMA-T