En todos os campus á mesma hora. Así nos mobilizamos hoxe, en Galicia, en defensa da universidade pública.
Ás once da mañá repetiuse a mesma escena en todos os campus galegos: UGT Servizos Públicos, xunto cos demais membros da Plataforma Galega en Defensa da Universidade Pública, e co apoio dos estudantes universitarios, mobilizámonos en defensa da universidade pública.
O manifesto, directo e cargado de razón, apela ó «ataque contra a igualdade de oportunidades» que supón «mercantilizar un ben universal».
Continúa explicando como se artella a proverbial trampa: » A Xunta, en vez de posibilitar a oferta de novas titulacións nas Universidades públicas, permítelle ofrecelas á privada, ou disfrazar con outro nome titulacións xa impartidas actualmente.»
Por último, o manifesto pronostica que «soamente poderá acceder un grupo de alumnado que economicamente poida pagar estes estudos, ou aqueles que recorran a un grande endebedamento.»
Sabemos que o ensino é a semente dun futuro que parece cada vez máis hipotecado. Seguiremos mobilizándonos para que a universidade non se venda!!!
