Listas de contratación temporal: Resolucións listas provisionais Persoal Funcionario e Laboral

As resolucións publicadas hoxe en DOG proceden a facer públicas as listas provisionais para o desempeño transitorio de prazas reservadas a:

• Persoal funcionario de determinadas escalas de persoal funcionario
• Persoal funcionario e contratación temporal de persoal laboral

Podes consultar as listas:

Consulta das listas de contratación (xunta.es)

No servizo de Atención e Información á Cidadanía (012)

Nas listas figura a seguinte información:

• Solicitantes admitidos na lista con indicación da puntuación provisional resultante da aplicación do baremo establecido no artigo 9 do Decreto 37/2006.
• Solicitantes excluídos con expresión da causa de exclusión.

Reclamacións ás listaxes:

• Prazo: 10 días hábiles dende o 09/11/24.
• Ante: Comisión Permanente (Dirección Xeral de Emprego Público e Administración de Persoal, Consellería de Facenda e Administración Pública, edificio administrativo San Caetano, s/n, Santiago de Compostela).
• Situacións:
  • Si na túa solicitude de inclusión autorizaches expresamente a consulta dalgúns datos pola Administración e figuras excluído nestas listas provisionais por causas relacionadas coa imposibilidade material da obtención dos ditos datos, debes achegar, para acreditar o cumprimento dos requisitos exixidos, no indicado prazo de 10 días de reclamación:
    • Copia auténtica da documentación respecto á cal non foi posible obter datos ao realizar a consulta.
  • Si solicitaches a inclusión electronicamente (a través de fides.xunta.gal) para realizar as alegacións que consideren oportunas, debes:
    • Acceder a fides.xunta.gal onde se che permitirá xerar un documento para remitir a través dun rexistro presencial a documentación que debas presentar e que non sexa copia auténtica ou non fose posible comprobala automaticamente.
    • Só se admitirán as alegacións que se realicen por medio desta aplicación informática para as solicitudes que se presentaron a través de fides.xunta.gal
• Xunto coas reclamacións debes achegar:
  • Documentación precisa para emendar a causa de exclusión.
  • Certificación de servizos prestados na Administración xeral da Comunidade Autónoma de Galicia, nos termos previstos no artigo 9.b) do Decreto 37/2006, segundo o modelo que figura como anexo II desta resolución.
• No suposto de que algunha das persoas solicitantes provisionalmente excluída non presente a documentación necesaria para emendar a causa de exclusión, quedará definitivamente excluída.

Solicitude de suspensión de chamamentos:

• A partir da publicación desta resolución no DOG, tanto as persoas solicitantes provisionalmente admitidas como as provisionalmente excluídas poderán presentar solicitude de suspensión de chamamentos de conformidade co establecido no artigo 15.2 do Decreto 37/2006.
• O modelo de solicitude encóntrase á disposición das persoas interesadas no portal web corporativo da Xunta de Galicia, http://funcionpublica.xunta.gal, punto de <Listas de contratación>.

Publicidade das listas definitivas:

Unha vez transcorrido o prazo para formular alegacións, levaranse a efecto as emendas procedentes, e daráselles publicidade ás listas definitivas no DOG.

Corpos e escalas (persoal funcionario)

Corpos e escalas (persoal funcionario)

Grupos e categorías (persoal laboral)

Grupos e categorías do persoal laboral dos servizos de prevención e defensa contra incendios forestais.