Publicada hoxe en DOG a Resolución que contén a relación de persoas aspirantes que superaron os procesos selectivos polo sistema de Concurso da Lei 20/2021 e se propón elevación de proposta de nomeamento, como persoal funcionario de carreira:
Resolución de corpos, escalas e especialidades do subgrupo A1 seguintes:
| Corpo superior |
| Corpo superior da Administración xeral |
| Corpo facultativo superior |
| Escala de veterinarios. |
| Escala de expertos/as lingüistas. |
A relación de aspirantes que superaron o proceso selectivo publícase no portal web corporativo da Dirección Xeral de Emprego Público e Administración de Persoal: (tamén no Anexo II da Resolución)
https://www.xunta.gal/funcion-publica/procesos-selectivos/consulta
PRAZO E DOCUMENTACIÓN A PRESENTAR:
DOCUMENTACIÓN A PRESENTAR NO CASO DE QUE NON FOSEN XA PRESENTADOS OU VALIDADOS PREVIAMENTE:
- Copia auténtica do título exixido na base I.2 ou certificación académica que acredite ter realizado todos os estudos para a súa obtención. No caso de titulacións obtidas no estranxeiro, deberá presentar credencial da súa validación ou homologación ou ben a credencial de recoñecemento da titulación para exercer a profesión.
- Informe sobre o estado de saúde que acredite que a persoa aspirante non padece enfermidade nin está afectada por limitación física ou psíquica incompatible co desempeño das correspondentes funcións.
- As persoas aspirantes cun grao de discapacidade igual ou superior ao 33 % que superen o proceso selectivo deberán ademais acreditar, no caso de que coa solicitude se opuxesen á consulta, tal condición mediante certificación dos órganos competentes da Consellería de Política Social e Xuventude e, de ser o caso, da Administración correspondente
- Declaración responsable de non atoparse inhabilitada/o ou en situación equivalente nin ter sido sometida/o a sanción disciplinaria ou equivalente que impida, nos mesmos termos, o acceso ao emprego público
PRAZO: 10 días hábiles a partir do 25/03/25
RECURSO:
- Contra esta resolución poderase interpoñer recurso de alzada ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas (1 mes).
