Hoxe tivo lugar a primeira reunión co obxectivo de CONSTITUIR a MESA DE NEGOCIACIÓN de PLUSES de TODO o persoal da FUNGA. Dáse así o primeiro paso co obxectivo que UGT marcou como compromiso co persoal, iniciando a partir de agora un procedemento negocial que supoñemos non debe alongarse no tempo.
A mesa de negociación está constituída:
-
Por parte da Administración: Dirección Xeral de Inclusión e o Dirección-Xerencia da FUNGA
-
Por parte dos traballadores: delegada sindical de UGT coa asesoría do citado sindicato
O obxecto da negociación é o recoñecemento dos pluses de perigosidade e penosidade.
Por parte, da representación sindical, UGT solicitouse tal retribución para todo persoal da FUNGA, independentemente da súa categoría profesional.
Por parte da empresa manifestan a súa intención de chegar a un consenso e para iso inciden en que traballarán con boa predisposición e espírito de diálogo, cuestión que UGT espera se reflexe en bos resultados para todos e todas.
A proposta de UGT, nos próximos días remitirán unha Análise de Postos de Traballo (APT), á que realizaranse as alegacións que se consideren oportunas, logo do seu análise e as vosas aportacións, co fin de sinalar nova reunión de traballo da que se deberán ir concluíndo e acadando os avances do proceso.
En canto teñamos os documentos farémolos públicos, para as vosas aportacións.
