O Sector de Ensino de FeSP-UGT remitiu unha carta á ministra de Educación para urxirlle a convocar a Mesa Sectorial do Ensino Concertado.
Na misiva enviada a Isabel Celaá, FeSP-UGT sinala que son varios os aspectos que recolle a nova Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación, que afectan ao profesorado e que requiren de diálogo e negociación entre Administración, sindicatos e patronais que permita chegar a acordos para a súa concreción e aplicación en todo o Estado.
Eses acordos, ademais, deben evitar situacións de desigualdade entre territorios e, por suposto, teñen que ter en conta a todo o profesorado, preservando, en todo caso, os seus dereitos adquiridos.
