Vénse de publicar no DOG a Resolución da Dirección Xeral de Centros e Recursos Humanos, pola que se resolve definitivamente o concurso de traslados entre persoal funcionario docente dos corpos de catedráticos e profesores de ensino secundario, escolas oficiais de idiomas, música e artes escénicas, artes plásticas e deseño, profesores técnicos de formación profesional, mestres de taller de artes plásticas e deseño e de inspectores ao servizo da Administración educativa e inspectores de educación.
Se participaches neste proceso podes consultar aquí os destinos obtidos. As persoas excluídas figuran neste anexo. A toma de posesión dos novos destinos adxudicados terá efectividade administrativa do 1 de setembro de 2023.
A partir do día seguinte ao da súa publicación no Diario Oficial de Galicia, as persoas interesadas poderán formular, con carácter potestativo, recurso de reposición ante a persoa titular da Dirección Xeral de Centros e Recursos Humanos no prazo dun mes ou procedeer directamente a un recurso contencioso-administrativo no prazo de dous meses contados desde a mesma data.
