Concurso de traslados Administración Xeral: presentación solicitudes de elección de postos procedemento de xustificación de méritos e requisitos

Publicada en DOG a Resolución de apertura do período de presentación de solicitudes de elección de postos de traballo e o procedemento de xustificación da posesión de méritos e requisitos do concurso ordinario para a provisión de postos de traballo vacantes da Administración xeral da Comunidade Autónoma de Galicia.

PRAZO PRESENTACIÓN DE SOLICITUDES DE ELECCIÓN DE POSTOS DE TRABALLO

Desde o 24 de marzo ata o 11 de abril de 2025

SOLICITUDES DE ELECCIÓN DE POSTOS:

• Como persoa concursante podes solicitar POR ORDE DE PREFERENCIA os postos ofertados no ANEXO I da resolución de convocatoria, aos que se engadirán as potenciais resultas consecuencia das solicitudes de participación.
• A relación de postos ofertados publicarase en:

https://www.xunta.gal/funcion-publica/concurso-de-traslados

• A solicitude debes presentala electronicamente.
• Entenderase que renuncias a participar no concurso si formulaches solicitude pero non presentas solicitude de elección de postos de traballo.
• Se na solicitaches ADAPTACIÓN DE POSTO, debes xuntar OBRIGATORIAMENTE un informe do órgano competente que acredite a procedencia da adaptación.

PROCEDEMENTO ACREDITACIÓN DE MÉRITOS E REQUISITOS:

Os méritos e requisitos específicos DEBERÁN POSUÍRSE a 5 de xuño de 2024 (fin do prazo de solicitudes de participación).

O procedemento de acreditación de méritos e requisitos é o establecido na Resolución do 5 de decembro de 2023.

Os méritos achegaranse ao expediente persoal electrónico, a través de: https://fides.xunta.gal

En FIDES comprobaranse os datos que figuran no expediente:

1. Si estás conforme cos datos consultados, porque os méritos baremables neste proceso figuran no estado de validados, non precisas realizar ningunha actuación.
2. No suposto de non estar conforme cos datos consultados, por non constaren ou por seren incompletos, debes incorporar a información non rexistrada presentando a solicitude de actualización dos méritos xunto coa documentación acreditativa deles ao abeiro do establecido na Resolución do 5 de decembro de 2023.
3. Si atopas no expediente electrónico erros nos méritos nos estados de «En Trámite», «Validado», «Duplicado» ou «Descartado»; debes presentar alegacións a través de Fides a través do formulario de reclamacións, dispoñible en: https://www.xunta.gal/funcion-publica/concurso-de-traslados.
4. Os méritos que a 21/03/25 se atopen incorporados no expediente electrónico no estado «acreditación documental incompleta» deberán ser acreditados para poder ser tidos en conta.

PRESENTACIÓN DE DOCUMENTACIÓN:

• A documentación que xustifique a totalidade do mérito rexistrado presentarase seguindo o establecido nos números 3 e 4 da instrución oitava da Resolución do 5 de decembro de 2023, é dicir:
  • Se posúes documentos electrónicos orixinais ou copias electrónicas auténticas:
    • incorporándoas directamente no teu expediente electrónico a través de FIDES, ou
  • Cando os documentos orixinais figuren en formato papel:
    • presentando a documentación e o informe xerado en Fides (pestana actualización de méritos) de maneira presencial (Rexistros).

PRAZOS:

• O prazo de:
  • Solicitude de actualización de méritos e a documentación acreditativa deles.
  • Formular alegacións.
  • Emendar o estado de «acreditación documental incompleta».
• Remata o 11 DE ABRIL

ESTADO DOS MÉRITOS PARA SER BAREMADOS:

• Os méritos e requisitos reflectidos no expediente electrónico no estado de validados serán os que teña en conta a comisión de valoración no concurso, sempre referidos á 05/06/2024.
• Non se terán en conta neste proceso outros méritos presentados polas persoas concursantes distintos dos que figuren no seu expediente persoal electrónico ou que se soliciten no expediente ou acrediten documentalmente con posterioridade ao 11/04/2025.

• Por tratarse dun procedemento de concorrencia competitiva non se admitirá, unha vez rematado o prazo de acreditación de méritos e para os efectos da súa valoración neste proceso, ningunha nova documentación acreditativa de méritos, aínda que consten rexistrados na solicitude de actualización ou modificación do expediente persoal.
• Exceptúase aquela documentación que, xustificada documentalmente neste mesmo prazo, fose solicitada pola persoa interesada ao organismo ou entidade competente e non se recibise no indicado prazo. Neste suposto, admitirase a súa presentación ata o momento da finalización do prazo para a presentación de reclamacións ás puntuacións provisionais.