Publicada hoxe en DOG a Resolución pola que se acorda a apertura do período de presentación de solicitudes de elección de postos de traballo e o procedemento da xustificación da posesión de méritos e requisitos do concurso ordinario para a provisión de postos de traballo vacantes da Administración xeral.
Ampliación de postos na fase de resultas:
Advertida a omisión involuntaria de varios postos da fase de resultas, inclúense eses 16 postos que se relacionan no anexo I desta resolución. Pódese consultar tamén en:
https://www.xunta.gal/funcion-publica/concurso-de-traslados
Amplíase o prazo en 7 días hábiles para a presentación de solicitudes de postos de traballo e acreditación de méritos ata o 24 de abril
Acreditación de certificación negativa do Rexistro Central de Delincuentes Sexuais:
As persoas solicitantes de postos que impliquen contacto habitual con nenos, nenas ou adolescentes ou que teñan como destinatarios principais a persoas menores de idade, deberán acreditar unha certificación negativa do Rexistro Central de Delincuentes Sexuais.
A relación de postos que precisan esta certificación negativa publicarase na web corporativa da Dirección Xeral de Emprego Público e Administración de Persoal, no enderezo:
https://www.xunta.gal/funcion-publica/concurso-de-traslados.
Para iso podes:
- Autorizar a Dirección Xeral de Emprego Público e Administración de Persoal para recadar o correspondente certificado negativo no Rexistro Central de Delincuentes Sexuais e de Trata de Seres Humanos segundo o formulario dispoñible en https://www.xunta.gal/funcion-publica/concurso-de-traslados/consulta
- Debes incorporar esa autorización ao teu expediente persoal electrónico, na epígrafe doutros méritos da canle de emprego público de Galicia (Fides).
- De non autorizar a consulta, debes achegar a certificación negativa do Rexistro Central de Delincuentes Sexuais ao teu expediente persoal electrónico, na epígrafe doutros méritos do Fides.
A existencia de antecedentes no Rexistro Central de Delincuentes Sexuais e de Trata de Seres Humanos, ou a non xustificación da certificación negativa, comportará a imposibilidade legal de adxudicación dos postos que impliquen contacto habitual con persoas menores.
