UGT na Comisión de Persoal do 06/02/25 reiterabamos a consulta á Dirección Xeral do Emprego Público realizada na Mesa Xeral de Orzamentos do 16/10/24, sobre o criterio do Tribunal Supremo ao respecto dos trienios perfeccionados anteriores á Lei de orzamentos do Estado do ano 2021, e segundo o que estes deben aboarse en dita contía, no suposto da adquisición da condición de persoal funcionario de carreira. Este criterio apoiado foi refrendado por recente sentenza obtida por UGT, en Xulgado Contencioso de Lugo. Ante esta reiteración a resposta é que o estaban analizando.
Hoxe a Dirección Xeral achegounos una comunicación que contén o literal que podes consultar aqui:
De dita comunicación, da que damos cumprida difusión, só cabe felicitarnos, e felicitar a todo o persoal empregado público que se atope nesta situación, sobre a pretensión que sempre manifestamos e consideramos como axustada a Dereito.
Destacamos que se iniciará, grazas á nosa persistencia, a emisión das resolucións oportunas para o recoñecemento do dito dereito ás persoas que o teñan solicitado ou o soliciten posteriormente. Tal resolución establecerá:
“RECOÑÉCESELLE O DEREITO A PERCIBIR O ABOAMENTO DOS TRIENIOS PERFECCIONADOS CON VENCEMENTOS ANTERIORES Á ENTRADA EN VIGOR DA MODIFICACIÓN DA LEI 70/1978, DO 26 DE DECEMBRO, COA MESMA CONTÍA ECONÓMICA QEU PERCIBÍA COMO PERSOAL LABORA DA XUNTA DE GALICIA”.
GRAZAS A TODOS E TODAS AS QUE CONFIACHEDES EN QUE CON UGT ERA POSIBLE A RESTITUCIÓN DO DEREITO
