Apertura de prazo de presentación de solicitudes de listas de Persoal funcionario interino SPIF

Hoxe publícanse en DOG as resolucións polas que se abre o prazo de presentación de solicitudes para a elaboración das listas para o nomeamento de persoal interino para o desempeño transitorio de postos reservados a persoal funcionario do corpo de auxiliares de carácter técnico de Administración especial da Administración xeral da Comunidade Autónoma de Galicia, escala auxiliar do Servizo de Prevención e Defensa contra Incendios Forestais, especialidades de:

• Bombeiro/a forestal.

• Bombeiro/a forestal condutor/a de motobomba.

• Emisorista/vixilante/a fixo/a

• Bombeiro/a forestal xefe/a de brigada.

A Lei 5/2024, do 27 de decembro, de medidas fiscais e administrativas, introduce no Decreto 37/2006, do 2 de marzo, unha disposición adicional sexta na cal se establece que no procedemento de inclusión destas novas listas se valoren por unha soa vez os servizos prestados ata o 30 de maio de 2023 como persoal laboral das categorías equivalentes segundo o Decreto 165/2019, do 26 de decembro, nos termos do artigo 9.bis.a) do Decreto 37/2006, do 2 de marzo.

Ámbito territorial

• O ámbito territorial desta lista será o distrito forestal (anexo I da resolución).
• Podes elixir ata un máximo de oito ámbitos.

Requisitos:

• Idade: ter feito dezaseis anos e non exceder a idade máxima de xubilación forzosa.
• Nacionalidade:
  • Ter a nacionalidade española.
  • Ser nacional dalgún dos Estados membros da Unión Europea.
  • Ser nacional dalgún Estado en que, en virtude dos tratados internacionais subscritos pola Unión Europea e ratificados por España, sexa de aplicación a libre circulación de traballadores/as.
  • Tamén poderán participar, calquera que sexa a súa nacionalidade, os cónxuxes dos españois e dos nacionais doutros Estados membros da Unión Europea, sempre que non estean separados de dereito. Nas mesmas condicións poderán participar os seus descendentes e as/os do seu cónxuxe sempre que non estean separados de dereito, sexan menores de vinte e un anos ou maiores da dita idade dependentes.
• Titulación académica:
  • BBFF, BBFF Condutor/a de motobomba, Emisorista/Vixilante fixo/a:
    • Estar en posesión ou en condicións de obter o título de graduado/a en ESO ou equivalente.
  • BBFF Xefe/a de Brigada:
    • Estar en posesión ou en condicións de obter o título de Técnico superior en Xestión Forestal e do Medio Natural, ou equivalente.
• Permiso de conducir.
  • BBFF e Xefe/a de Brigada:
    • Estar en posesión ou en condicións de obter o permiso de conducir B.
  • BBFF Condutor de motobomba:
    • Estar en posesión ou en condicións de obter o permiso de conducir B e C
• Capacidade funcional:
  • Posuír as capacidades e aptitudes físicas e psíquicas que sexan necesarias para o desempeño das correspondentes funcións ou tarefas.
• Habilitación:
  • Non ter sido separado/a, nin despedido/a, mediante expediente disciplinario, do servizo de ningunha Administración pública ou dos órganos constitucionais ou estatutarios das comunidades autónomas, nin encontrarse na situación de inhabilitación absoluta ou especial para o desempeño de empregos ou cargos públicos por resolución xudicial, cando se trate de acceder ao corpo ou escala de persoal funcionario do cal a persoa foi separada ou inhabilitada.
• Coñecemento da lingua galega:
  • BBFF, BBFF Condutor/a motobomba, Emisorista/Vixilante Fixo/a: Celga 3
  • BBFF Xefe/a de Brigada: Celga 4

SOLICITUDES:

• Preferentemente por vía electrónica:
  • Formulario normalizado contido no anexo I da Orde do 22 de febreiro de 2021 (DOG núm. 39, do 26 de febreiro) (código de procedemento AP522T)
  • Accesible:
    • <Listas de contratación>-<Inclusión en listas>.
    • https://sede.xunta.gal
    • Para a presentación electrónica: https://fides.xunta.gal
  • Podes empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365)
  • Dentro do proceso deberás pagar a taxa.
  • Unha vez finalizado o pagamento, deberá presentarse a solicitude para completar o proceso de inscrición.
• Opcionalmente, podes presentar as solicitudes presencialmente, utilizando a «solicitude normalizada presencial» accesible no portal web corporativo xunta.gal/funcion-publica, seguindo a ruta <Listas de contratación>-<Inclusión en listas>.
• Instancias dirixiranse á: Dirección Xeral de Emprego Público e Administración de Persoal da Consellería de Facenda e Administración Pública.
• Prazo de solicitude: 15 días hábiles a partir do 16/01/2025.
• Taxas: 18,40€
  • Exención de taxas:
    • Exención total:
    • As persoas con discapacidade igual ou superior ao 33 %.
    • As persoas que sexan membros de familias numerosas clasificadas na categoría especial
  • Exención do 50% da taxa:
    • as persoas que sexan membros de familias numerosas clasificadas na categoría xeral.
    • As persoas que figuren como demandantes de emprego desde, polo menos, os seis meses anteriores á data de publicación desta resolución no Diario Oficial de Galicia e que non estean a percibir prestación ou subsidio por desemprego.
    • As vítimas do terrorismo, entendendo por tales, as persoas que sufrisen danos físicos ou psíquicos como consecuencia da actividade terrorista e así o acrediten mediante sentenza xudicial firme ou en virtude de resolución administrativa pola que se recoñeza tal condición, o seu cónxuxe ou persoa coa cal convivise con análoga relación de afectividade, o cónxuxe do falecido e os fillos dos feridos e falecidos. As persoas solicitantes exentas do pagamento da taxa marcarán esta opción na solicitude.
• Pagamento da taxa podes realizalo polos seguintes medios:
  • Presencial a través de entidade bancaria, volvendo logo a completar o pago na aplicación.
  • A plataforma FIDES permite o pago telemático con tarxeta ou bizum.
• Finalizado o pagamento, debes volver a finalizar o procedemento presentando a solicitude.

PROBAS FÍSICAS:

• BBFF, BBFF condutor/a de motobomba, BBFF Xefe/a de Brigada:
  • Field Test: camiñar 3.200 metros sobre terreo plano cun peso de 11KG ás costas, nun tempo máximo de 30 minutos.
  • Para os postos que na RPT o teñan establecido a proba física Pack Test: camiñar 4.800 metros sobre terreo plano cun peso de 20Kg ás costas, nun tempo máximo de 45 minutos.
  • O resultado das probas será de apto ou non apto.
  • O resultado de apto no Pack Test eximirá de realizar o Field Test.
• Emisorista/Vixilante fixo/a:
  • Proba de agudeza visual de lonxe en ambos os dous ollos, así como a visión cromática, realizada cun aparello para control de visión tipo Visotest ou equivalente.
  • O resultado das probas será apto ou non apto.
• Estas probas teñen validez ata o 1 de xaneiro do ano seguinte, o persoal deberá acreditar, antes de ser nomeado, a vixencia da proba realizada co resultado de apto/a. No caso contrario, a Consellería do Medio Rural realizará as probas antes de ser nomeados/as funcionarios/as.

ORDE DE PRELACIÓN:

• Virá dada pola puntuación obtida de acordo co baremo establecido no artigo 9 do Decreto 37/2006.
• Valoraranse por unha soa vez os servizos prestados ata o 30 de maio de 2023 como persoal laboral das categorías equivalentes segundo o Decreto 165/2019, nos termos do artigo 9.bis.a) do Decreto 37/2006, do 2 de marzo.
• Os empates en puntuación: aplícase o artigo 10 do Decreto 37/2006.

ELABORACIÓN DAS LISTAS:

• A Comisión Permanente de Listas elevará á Dirección Xeral de Emprego Público o anuncio das listaxes provisionais e definitivas de admitidos e excluídos, para a súa publicación en DOG.
• As listas poderanse consultar en: Consulta das listas de vinculación temporal do Decreto 37/2006.

DEVOLUCIÓN DAS TAXAS:

• Publicadas as listas definitivas, as persoas excluídas dispós dun mes para solicitala