O sector de Ensino de UGT Servizos Públicos participa en Bruxelas, os días 18 e 19 de decembro, nos grupos de traballo e no pleno da Confederación Sindical de Educación Europea.
Baixo este marco de acción, UGT, reivindicou medidas para actualizar as directrices europeas á situación de cada país en relación á prevención da violencia e o ciberacoso, e o dereito á protección e desconexión dixital do profesorado.
A dixitalización na educación alberga un gran potencial no uso de novas ferramentas e metodoloxías, pero tamén está a xerar factores de riscos psicosociais que afectan cada vez en maior porcentaxe ao profesorado.
Por unha banda, o aumento da dixitalización e o uso de dispositivos móbiles na nosa sociedade e no ámbito educativo han aumentado os riscos de sufrir ciberviolencia ou acoso na profesión docente.
Por outra banda, a falta de desconexión dixital xera no profesorado unha carga de traballo excesiva, esgotamento (físico e mental) e estrés, debido á constante dispoñibilidade, así como ao desgaste emocional pola exposición constante do profesorado a todas as demandas laborais que atende.
Desde o sector de Ensino de UGT Servizos Públicos, sabemos que os traballadores do ensino necesitan ter unhas condicións laborais óptimas para realizar un traballo de calidade. Por iso, reivindicamos no Comité Sindical Europeo de Educación, xunto con outras organizacións sindicais europeas, a necesidade urxente de establecer medidas de seguridade e de benestar na profesión docente, reducindo a carga burocrática e asegurando o dereito da desconexión dixital, para mellorar as condicións laborais do profesorado.
