Solicitamos tamén un plan viable para a asistencia sanitaria a medio e longo prazo.
As federacións de Servizos á Cidadanía e Ensino de UGT e CCOO Servizos Públicos pedimos ao Ministerio de Función Pública celeridade en todos os trámites para lograr un novo concerto en MUFACE canto antes.
Como xa propuxeramos as organizacións sindicais, resulta adecuada a medida exposta polo Goberno de lanzar unha consulta preliminar de mercado para pedir ás aseguradoras que comuniquen cal é o custo de ofrecer ese servizo. Desta maneira coñecerase realmente cal é o custo da cobertura e se se justifica a importante subida de prezo demandada polas aseguradoras. O Goberno, ademais, poderá utilizar estes datos como base para unha segunda licitación.
En opinión de ambas as organizacións sindicais, o urxente agora é que o Goberno traballe con rapidez para lanzar unha nova licitación que poida ser axustada ao mercado e que as compañías aseguradoras actúen coa responsabilidade que corresponde nun sector tan sensible para todas as persoas como é a saúde.
UGT e CCOO insistimos en que o seu obxectivo principal é que as e os mutualistas gocen da mellor prestación sanitaria posible, do mesmo xeito que o resto dos cidadáns e cidadás deste país, e por iso apela tanto ao esforzo do Goberno como á responsabilidade social das compañías aseguradoras sanitarias. Ao tempo sinalaron que estarán vixiantes para pedir rapidez e dilixencia e ver como será esta nova licitación, para garantir un servizo sanitario de calidade.
Para as organizacións sindicais asinantes o Goberno debe tamén traballar, desde xa, nun plan a medio e longo prazo para garantir a asistencia sanitaria do funcionariado.
