Tal como anunciáramos desde esta Unidade de Acción, tras o paso pola comisión parlamentaria, esta mañá a cámara alta leva a Pleno a Lei Básica de Bombeiras e Bombeiros forestais, que será debatida e votada favorablemente ao non recibir emendas ao texto orixinal, que xa foi aprobado no Congreso dos Deputados o pasado 23 de xullo. Ponse de manifesto desta forma o bo traballo realizado na tramitación do texto final desta Lei que finalmente obtén o apoio unánime de todos os grupos do Senado.
Este último trámite será o final dun longo percorrido a unha Lei máis que necesaria, dada a falta de homoxeneización do colectivo e acotamento normativo necesario para unha regulación básica de todo o persoal Bombeiro Forestal. Desde que a categorización de Bombeiro Forestal aparecese no Catálogo Nacional de Ocupacións (CNO-11) en 2011, foron moitos os anos de traballo e dedicación para obter unha norma que supoña un cambio real das precarias condicións que veñen arrastrando nos dispositivos de Prevención e Extinción de Incendios Forestais, e para iso foi fundamental o traballo e coñecemento dos propios traballadores que participaron como representantes do colectivo e trasladamos aos articulado aspectos básicos en diversos aspectos. Debemos destacar que nunca chegariamos ata este punto sen o compromiso e sacrificio das persoas que con tesón e desde hai décadas, damos o mellor de nós nos duros traballos de extinción de incendios forestais.
Tras varias preguntas parlamentarias, consultas públicas, dúas Proposicións Non de Lei e ata tres Proposicións de Lei, que xunto co Proxecto de Lei que decaeu na anterior lexislatura, fan retroceder no tempo case quince anos de traballo e loita, sorteando innumerables dificultades, para alcanzar un marco normativo que será uns bos cimentos sobre os que construír novas regras e condicións duns dispositivos que precisan de melloras en moitas cuestións.
Estas bases comezan por establecer como única categoría a de “Bombeiro Forestal”, deixando aquelas once especialidades que regulaban ao colectivo, por estar nunha ou outra autonomía. Establece un articulado dedicado ás funcións e competencias, que nos vinculan á protección civil na Prevención, Detección e Extinción de Incendios Forestais, ademais do Apoio ás Continxencias no Medio Natural e Rural, debido ás múltiples emerxencias climáticas que tanto están a afectar ao noso país. Foméntase a formación de todo o colectivo, con razón ás esixencias europeas. Articularase unha regulación dos tempos de traballo no Real Decreto das xornadas especiais de traballo, que será específico para este sector profesional.
No relativo á Seguridade e Saúde no traballo, desenvolverase un Regulamento específico sobre prevención de riscos laborais, ao amparo do marco normativo xeneral e ademais desenvolverase un estudo pormenorizado para o recoñecemento das enfermidades profesionais vinculadas a estas tarefas, introdúcese algo fundamental como é a segunda actividade e sobre todo, recoñécense os coeficientes redutores da idade de xubilación, que posibiliten unha xubilación bonificada para aquelas persoas que superen os 60, e non poidan seguir realizando a súa actividade en primeira liña, cuestión que ocasionou irreparables perdas de vidas dentro do colectivo.
Cabe mencionar que desde esta representación dos traballadores, pretendíase alcanzar obxectivos aínda máis ambiciosos dos que se van a aprobar e que aínda queda moito por traballar para erradicar a precariedade de moitas compañeiras que por estas datas van ao paro, e outras carencias do colectivo. Con todo temos a certeza de que esta Lei marca un antes e un despois na realidade laboral que se vai a vivir nos dispositivos.
En Unidade de Acción percorremos un longo camiño, onde o gran traballo cos gobernos e partidos políticos dan o froito tan esperado, sendo esta Lei unha realidade para un colectivo que se sitúa contorna ás 25.000 persoas. Por iso, desde CSIF, UXT e CC.OO., celebraremos na Cámara Alta cos Senadores e Senadoras, e con compañeiras e compañeiros chegados de toda España ao último paso da tramitación da norma.
