A proposta inicial da Xunta na Mesa xeral do pasado presentada 18 de xuño era a seguinte:
| EFECTIVOS | % | APROBADOS | % | |
| 2.431 | 449 | |||
| C. FUNCIONARIZACIÓN | 462 | 19,00% | 101 | 22,49% |
| POSTOS CON > RETRIBUCIÓNS | 1.969 | 80,99% | 348 | 77,5% |
UGT e CCOO manifestamos entón que esta é a sétima RPT de funcionarización e como asinantes do Acordo de concertación do emprego público demandamos a continuidade na senda emprendida en anteriores RPTs nas que non existían os complementos de funcionarización ou se reduciron a mínima expresión, e ademais a maioría do persoal incrementou as súas retribucións.
A Xunta atendeu a demanda de CCOO e UGT, aquela proposta foi retirada, proposta que por certo nunca debeu chegar neses termos á mesa de negociación xa que se establecían diferencias salariais á baixa totalmente inxustificados. Posteriormente se presenta á Mesa xeral unha nova proposta que corrixe a anterior, nos seguintes termos:
| EFECTIVOS | % | APROBADOS | % | |
| 2177 | 346 | |||
| C. FUNCIONARIZACIÓN | 143 | 6,56% | 29 | 8,38% |
| POSTOS CON > RETRIBUCIÓNS | 2034 | 93,43% | 317 | 91,62% |
Polo tanto, cuantitativamente o 93,43% do persoal incrementa retribucións e cualitativamente todas as contías dos postos con complementos de funcionarización son inferiores a 50 euros/ano (antes as contías eran moi elevadas superando os tres, dous o mil euros/ano en moitas categorías). UGT e CCOO valoramos a modificación feita con esta nova proposta de clasificación e equivalencias entre retribucións de orixe do persoal laboral e retribucións de funcionarización.
No obstante, como asinantes do acordo de concertación, que nos demanda ser esixentes co asinado, emprazamos novamente a Xunta a facer un último esforzo xa que é posible eliminar os complementos de funcionarización, e ademais debe constar en acta que, ó igual que en anteriores RPT de equivalencias, se continuará revisando as RPT para homoxeneizar as retribucións por categoría e tipo de centro/servizo/prestación e dar solución a situacións de diferenzas salariais por funcións e homoxeneización da situación de orixe á que se chega a esta clasificación de equivalencias.
RPT adicional de funcionarización de A1,A2 e AP
Unha RPT que é meramente instrumental.
Amplía RPT de funcionarización previas cun total 229 prazas: 147 A1, 40 A2 e 42 AP, a que non se poñen obxeccións por ningún sindicato.
Varios
– Illas Atlánticas: non confirman data de aplicación do Acordo.
– Procesos de estabilización: Traballan co obxectivo de rematar cos procesos a 31 de decembro de 2024, non hai novo cronograma.
– As Comisións e Subcomisións de Acordos non se reuniran ata setembro.
– As RPT derivadas do decreto 79/2023 de estrutura orgánica da Xunta, e os sucesivos decretos que modificaron os das Consellerías, que viran a Mesa en setembro: Economía e Infraestruturas.
– OPE de auxiliar coidador de 65 prazas: a última semana de agosto sae publicada para toma de posesión en setembro.
