Con data 25 de xuño de 2024, UGT Servizos Públicos asinou, xunto coa FeSMC-UGT e FSS-e Hábitat de CCOO, o II Plan de Igualdade de Atende Servizos Integrados S.L, empresa de CLECE.
O presente Plan de Igualdade terá unha vixencia de 4 anos, do 25 de xuño de 2024 ata o 24 de xuño de 2028.
Este plan inclúe, o establecemento e desenvolvemento de políticas que integran a igualdade de trato e oportunidades entre mulleres e homes, con obxectivos entre outros:
- Incorporar a perspectiva de xénero en todas as accións formativas e cursos.
- Favorecer a igualdade efectiva no desenvolvemento da promoción profesional. Presenza máis equilibrada entre os tipos de contratación de mulleres e homes.
- Incorporar a perspectiva de xénero na política da prevención, da saúde laboral, da prevención de riscos laborais, e especialmente os riscos asociados ao embarazo e lactación.
- Equiparar a presenza feminina á masculina nas diferentes áreas e postos da empresa.
- Garantir a existencia dun trato non discriminatorio por razón de sexo, verificando a aplicación do principio de equidade a idéntica responsabilidade.
- Previr e erradicar o acoso a calquera das persoas empregadas na empresa.
- A empresa ten implantado un protocolo de prevención e actuación fronte ao Acoso Sexual e/ou por razón de sexo negociado coa parte social no seguimento do I Plan de Igualdade.
Anexamos o novo Plan de Igualdade.
