Acordo C. de Facenda e A.P. – Medio Rural: Xestión de Listas

XESTIÓN DE LISTAS

Mediante o acordo publicado hoxe en DOG, encoméndase á Consellería do Medio Rural determinados actos de xestión das listas de contratación temporal de persoal laboral das categorías que se especifican no anexo I ou para o nomeamento de persoal interino de prazas reservadas a persoal funcionario de corpos ou escalas equivalentes, reguladas no Decreto 37/2006, do 2 de marzo, do persoal da Xunta de Galicia dedicado ás tarefas de prevención de incendios forestais.

A encomenda abranguerá as seguintes actuacións e terán o alcance que en cada caso se sinala:

1. A organización e a realización da proba física á que deben someterse os distintos integrantes das listas.
2. A realización dos chamamentos para a cobertura temporal dos distintos postos de traballo reservados ás categorías de persoal laboral dedicadas as tarefas de prevención de incendios forestais que constan no anexo I ou corpos ou escalas de persoal funcionario declaradas equivalentes no anexo do Decreto 165/2019, do 26 de decembro. Para estes efectos utilizarase unha aplicación informática proporcionada pola Dirección Xeral da Función Pública cando este chamamento se realice dende a lista definitiva de admitidos

A encomenda terá un prazo de vixencia de dous anos a partir da súa publicación. Este prazo poderá ser prorrogado por igual período, por acordo expreso das partes que se publicará antes do remate do seu prazo de vixencia

ANEXO I