O día 8 de febreiro celebrouse unha xuntanza entre a Dirección Xeral da Función Pública e as Organizacións Sindicais sobre o acordo regulador dás condicións de traballo no SPIF. Nesta xuntanza concretáronse todas as melloras acadadas nas xuntanzas previas mantidas coa Consellería do Medio Rural e a próxima semana o acordo pasará pola Mesa Xeral de Negociación e pola Comisión de Persoal, para posteriormente ser ratificado no Consello da Xunta do próximo día 15 de febreiro.
Nestes intres, CCOO, CSIF e UGT mantemos abertas todas ás liñas de diálogo coa Administración para mellorar no acordo final á oferta económica acadada ate agora.
| Que conseguimos? |
| UN ACORDO PARA TOD@S O ámbito de aplicación inclúe a todo o persoal funcionario (de carreira e interino) e ao persoal laboral (fixo ou temporal) que ocupa postos de persoal funcionario. Asemade, incluirá unha cláusula que habilite a súa futura extensión ao persoal fixo descontinuo. |
| Unha carteleira con criterios unificados para tódolos distritos e negociada na Dirección Xeral de Defensa do Monte coa Comisión de Seguimento. |
| Xornadas de 10 horas sen prolongacións (salvo incendios de nivel 2, cun máximo de dúas horas pagadas como gratificacións por servizos extraordinarios) |
| Quendas de 7 días de traballo cada dúas semanas: luns-mércores-sábado-domingo / martes-xoves-venres |
| Redución da xornada máxima anual de 1665 horas a 1550 (182 días de traballo (1820 horas – vacacións (270 horas) = 1550 horas). Máximo de 155 días de traballo efectivo. |
| Libranza en fins de semana alternos e da metade dos festivos anuais: inclusión dos días 24 e 31 de decembro como festivos a efectos de descanso e/ou cobro |
| FIN das prolongacións de xornada |
| Cambio de quendas con autorización do responsable de persoal e un descanso de 12 horas entre quendas |
| Entrega das carteleiras anuais no mes de decembro do ano anterior |
| Vacacións: 27 días laborables a escoller polo traballador/a durante todo o ano |
| Desfrute independente de ata 6 días laborables de vacacións por ano natural |
| Pago de tódolos domingos e festivos traballados (nestes intres a oferta é de 140 euros cada dous domingos e/ou festivos para o C2 e de 160 euros para o C1). Na xuntanza de hoxe reclamamos chegar aos 170 euros para o C2 e 190 euros para o C1. |
| Estas cantidades serán actualizadas coas subidas salariais establecidas na Lei de Orzamentos |
| Un período de vixencia de 3 anos |
| Entrada en vigor antes do 1 de maio de 2024 |
