Segunda actividade SPIF 2024:Publicado anuncio de apertura de solicitudes

Publicado en DOG o Anuncio de apertura de prazo para presentar solicitudes de paso á segunda actividade do persoal das categorías de bombeiro/a forestal do Servizo de Defensa contra Incendios Forestais.

O acordo asinado por UGT, dispón na súa instrución quinta que o prazo de solicitude de segunda actividade abranguerá o mes de xaneiro de cada ano natural.

Poden solicitar o pase á segunda actividade:

• O persoal fixo e temporal das categorías de bombeiros/as forestais que fagan ou teñan feitos xa no ano 2024 os 60 anos de idade, que:
  • Non estean acollidos á xubilación parcialese comprometan a xubilarse
    • á idade legalmente establecida ou,
    • de ser maior de 65 anos, no prazo dun ano despois de concedida a segunda actividade.

Os interesados terán que solicitar:

• No modelo do anexo II os postos de traballo que figuran no anexo I deste anuncio dos centros situados dentro da súa comarca de adscrición.
• De non haber postos dentro da súa comarca, poderán:
  • Solicitar o pase á segunda actividade para realizar tarefas preventivas ou de apoio loxístico ao SPIF sen vinculación directa á extinción de incendios, e
  • Poderán pedir voluntariamente postos do referido anexo situados noutras localidades e, incluso, adscrición a comarcas ou distritos distintos daquel en que prestan servizos.

Solicitudes (anexo II):

• Deberán ir acompañadas do compromiso de xubilación (anexo III)
• Remitiranse á Consellería do Medio Rural, que será a competente para realizar a proposta de adscrición á segunda actividade á Dirección Xeral de Función Pública, que é a competente para resolver todas as solicitudes presentadas.

Orde de preferencia nas resolucións das adscricións á segunda actividade:

1. Os/as que teñandestino definitivo no mesmo ámbito.
2. Os/as que teñan destino provisional
3. Os/as que teñan o destino definitivo noutro ámbito.

• No caso de empate, dentro de cada un dos 3 grupos anteriores, terán preferencia na localidade:
  • O/a que teña máis antigüidade, e
  • Se persiste o empate resolverase a prol do que teña maior idade.

O prazo de solicitude abranguerá desde o día 9 ata o día 31 de xaneiro de 2024, ambos incluídos

ANEXO I

Postos vacantes que se ofertan a 2ª actividade