Comprácenos comunicar da renovación do convenio de colaboración asinado para o presente curso 2023/2024, entre UGT e Wellington Learning International.
O obxectivo deste acordo é facilitar o estudo da lingua inglesa en liña a todos os niveis, desde principiante ata avanzado, para os nosos afiliados e afiliadas, e os seus familiares de primeiro grao.
Grazas a este convenio, a afiliación e os seus familiares directos poderán gozar dunhas condicións económicas excepcionais na matrícula dos cursos cun desconto directo de 100€ en cada curso e nivel.
A achega do afiliado/a por curso será de 49 €.
O tempo de acceso ao curso completo será dun ano desde a solicitude e recepción das claves.
Ademais do acceso ao contido en liña sen límite de horario, durante o ano celebraranse varios encontros en forma de masterclass a través de Zoom. A finalidade destes encontros será asesorar de forma personalizada a todos aqueles alumnos e alumnas que estean a se preparar co curso, os exames oficiais de calquera nivel.
Queremos resaltar tamén neste Acordo e de forma especial, a posta en marcha dun plan de bolsas para fillos e fillas dos afiliados e afiliadas que actualmente estean a cursar primaria e ESO.
Para informarte sobre como realizar os teus estudos de inglés, e beneficiarte deste acordo para a nosa afiliación e os seus familiares directos, preparamos a seguinte web en colaboración con Wellington.
https://www.englishwellington.com
Nesta web poderás atopar a información para facer a demo gratuíta dos cursos, confirmar a túa afiliación e matricularte no curso que elixas.
Esperamos que esta oferta formativa en idiomas resulte atractiva e alcanzable aos afiliados, afiliadas e aos seus familiares máis directos.
No referente ás bolsas para os fillos e fillas das persoas afiliadas que estean a estudar primaria ou a ESO. Débese cumprimentar o formulario que aparece na parte inferior da ligazón https://www.englishwellington.com e acreditar que estás afiliado ou afiliada e ao día do pago das cotas.
Desde WELLINGTON LEARNING INTERNATIONAL contactarán contigo para que o teu fillo ou filla faga unha proba de nivel e unha vez realizada facilitaranche un usuario e unha contrasinal para que acceda a https://www.englishbuilder1.com onde poderá realizar o curso sen ningún custo durante un ano. O curso dispón de titor, audios, exercicios, etc.
