Acción: Violencia Machista Visible
O dereito para vivir unha vida libre de violencia machista require da implicación de todos os axentes sociais. Desde UGT Servizos Públicos traballamos co obxectivo de garantir un sistema de actuación e coordinación integral que sexa capaz de erradicar a violencia machista. Cada día, a través da nosa acción sindical, na negociación colectiva, de plans de igualdade e na elaboración de protocolos apostamos por garantir ferramentas que posibiliten respostas eficaces e de calidade. Nesta liña, parécennos claves as accións de sensibilización, información e formación do conxunto das traballadoras e traballadores implicados dos servizos públicos e da sociedade en xeral. Nos centros de traballo, formacións, mesmo nas negociacións de plans de igualdade atopámonos moitas veces con persoas que aínda descoñecen que é a violencia de xénero. Por iso, e como parte das medidas incluídas nos plans de igualdade de empresas encamiñadas á sensibilización, este 25 de novembro de 2022, queremos propoñer a realización da Acción: Violencia Machista Visible.
Unha acción que ten por obxectivo sensibilizar nos centros de traballo sobre a violencia machista e como se manifesta. En liña coa campaña exposta por Vicesecretaría Xeral UGT-CEC, cuxo lema é, A violencia machista ten moitos nomes. Só hai que saber identificalos. Expomos a realización da acción: Violencia Machista Visible cuxo obxectivo é mostrar que a violencia pode ser física, psicolóxica (incluídas as ameazas, coaccións ou privacións de liberdade) que ocorre na vida pública ou privada e o seu principal factor de risco é o feito de ser muller. A acción consiste en:
1.- Descarga a Tarxeta VIOLENCIA MACHISTA VISIBLE.
2.- Anima a participar a compañeiras e compañeiros dos centros de traballo, repartindo unha ou máis tarxetas a cada persoa.
3.- Cada persoa pode escribir as diferentes formas en que se manifesta a violencia machista. Podes consultar a publicación #IMPRESCIBLES25N a sección “Tus palabras cuentan”.
4.- Cumprimentadas as tarxetas, busca un lugar visible no centro de traballo onde colocar as tarxetas para que todas as persoas poidan velas e lelas.
5.- Podes subir fotos a redes sociais co hashtags: #25N #StopViolenciaMachista #UGTFeminista
Propoñémoste facer a acción no teu centro de traballo do 22 ao 25 de novembro de 2022.
ACCION 25N-Violencia.Machistas.Visibles.pdf
Galego_Tarjeta VIOLENCIA MACHISTA VISIBLE (003).pdf
