Xa está publicado o esperado DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
O decreto, en vigor dende o presente curso escolar, establece a ordenación e o currículo da educación infantil na Comunidade Autónoma de Galicia, de acordo co disposto na Lei orgánica 2/2006, do 3 de maio, de educación, e no Real decreto 95/2022, do 1 de febreiro, polo que se establece a ordenación e as ensinanzas mínimas da educación infantil.
O ámbito de aplicación abrangue ós centros docentes correspondentes ao ámbito de xestión da Comunidade Autónoma de Galicia que impartan as ensinanzas de educación infantil tendo en conta os ciclos que oferten.
Ademais da tardanza que impide unha planificación óptima, lamentamos que non se resolveran na versión definitiva as eivas que nos participaron numerosos docentes e que levamos á Mesa Sectorial do 9 de marzo de 2022.
