Ante as comprensibles dúbidas sobre o vindeiro proceso selectivo de estabilización, a prudencia exixe evitar especulacións e ofrecer unha revisión da lexislación publicada ata o momento.
O marco no que nos movemos para negociar comeza pola Lei de temporalidade do emprego público publicada no BOE de 29 de decembro.
Este é o instrumento que permite as modificacións do Real Decreto 276/2007 que estivemos a negociar a nivel estatal.
Velaquí un resumo da situación actual de acordo co terceiro borrador das modificacións do Real Decreto 276/2007.
A partires desta norma, que aínda se atopa en fase de consulta pública, concretarase en cada comunidade a redacción final da convocatoria das próximas oposicións.
Aínda cabería a posibilidade de que se intenten convocar polo sistema ordinario antes de que a modificación estea aprobada. Polo tanto a nosa mira está na próxima convocatoria.
Coma sempre, avisarémosvos da oportuna reunión na Mesa Sectorial para que nos fagades chegar as vosas aportacións.
