UGT-Servizos Públicos quere denunciar a situación na que se atopan os centros escolares.
Temos coñecemento de que, dende o día 30 de novembro, a Consellería non adxudicou a maioría das vacantes, é dicir, non se cubren todas as baixas que se van producindo no mes de decembro. Isto vai en contra do que recolle o Acordo subscrito pola Administración e as Organizacións Sindicais asinantes das que formamos parte.
Non cubrir todas as baixas vai en detrimento dunha atención de calidade ao alumnado por parte do profesorado que se ve desbordado.
Esta situación require unha resposta urxente por parte da Administración tendo en conta o aumento dos casos Covid nas aulas galegas.
