Resolución apertura prazo de solicitudes listas únicas persoal funcionario

Publícase hoxe en DOG a Resolución da Dirección Xeral da Función Pública, pola que se abre o prazo de presentación de solicitudes para a inclusión nas listas únicas para a cobertura, con carácter transitorio, de prazas reservadas a persoal funcionario en determinados corpos, escalas ou especialidades de persoas integrantes de listas de contratación temporal de categorías profesionais laborais equivalentes.

Nas solicitudes de inclusión unicamente poderán modificarse:

• Ámbitos territoriais e
• Datos persoais e
• Se é o caso, incluiranse as titulacións para determinadas categorías profesionais laborais cando así se estableza expresamente nas resolucións de convocatoria

Prazo para a presentación de instancias:

• Comezará o día 19 de outubro e finalizará o 18 de novembro de 2021.

Requisitos que deberán posuír as persoas solicitantes:

• Figurar admitido/a nalgunha lista das categorías profesionais laborais equivalentes ao corpo, escala ou especialidade de persoal funcionario en que se solicita a inclusión en listas, de conformidade coas equivalencias establecidas no anexo do Decreto 165/2019, do 26 de decembro, modificado pola Orde do 10 de marzo de 2021, que se recollen no anexo II da resolución.
• Non poderán solicitar a inclusión nas listas únicas, ao abeiro desta convocatoria, as persoas que figuren penalizadas o 15 de xullo de 2014 ou con anterioridade a esta data, en todas as listas en que figuren inscritas das categorías profesionais laborais equivalentes ao corpo, escala ou especialidade de persoal funcionario en que instan a inclusión.

Solicitudes

• Presentarase, preferentemente por vía electrónica, a través do formulario normalizado contido no anexo I da Orde do 20 de xullo de 2021 (DOG do 30 de xullo) (código de procedemento AP522U), accesible, así mesmo, na sede electrónica da Xunta de Galicia, https://sede.xunta.gal
• Opcionalmente, poderán presentarse as solicitudes presencialmente en calquera dos lugares e rexistros establecidos no artigo 16.4 da Lei 39/2015, do 1 de outubro.

Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Documentación:

Non será necesario achegar documentación complementaria, excepto as persoas integrantes que non teñan nacionalidade española, que deberán achegar xunto coa solicitude (anexo I da Orde do 20 de xullo de 2021) (código de procedemento AP522U) a seguinte documentación:

• Pasaporte e/ou documentación acreditativa de cumprir calquera das condicións previstas no artigo 52.1 da Lei 2/2015, do 29 de abril, do emprego público de Galicia, reguladora do acceso ao emprego público de persoas nacionais doutros Estados.

Elaboración das listas únicas e publicación:

O anuncio de exposición das listas de vinculación temporal únicas provisionais e definitivas para o desenvolvemento transitorio de prazas reservadas a persoal funcionario, elaboradas ao abeiro desta resolución, publicarase no DOG.

• Nestas listas de vinculación temporal figurarán:
  • As persoas admitidas con indicación da puntuación resultante da aplicación do baremo, conforme o establecido no artigo 6 e na disposición transitoria primeira da Orde do 20 de xullo de 2021 (DOG do 30 de xullo)
  • As persoas excluídas, con expresión da causa de exclusión.
• O contido destas listas poderá consultarse:
  • No portal web corporativo da Xunta de Galicia, http://funcionpublica.xunta.gal, epígrafe de <Listas de contratación> e
  • Nas oficinas de rexistro e atención á cidadanía da Xunta de Galicia.

ANEXO I: corpos e escalas de persoal funcionario

ACCEDE Á RESOLUCIÓN

ANEXO II

LISTAS DE PERSOAL LABORAL DE CATEGORÍAS PROFESIONAIS EQUIVALENTES ÁS DOS CORPOS E ESCALAS DE PERSOAL FUNCIONARIO NAS QUE SE PODE PRESENTAR SOLICITUDE DE INCLUSIÓN EN LISTAS

Informa_t_convocatoria_solicitudes_lista_unica_18_10_21.pdf