En primeiro lugar realizar unha crítica construtiva ao respecto da presentación do documento, en tanto que en este debera constar separada unha Memoria funcional e unha segunda Económica, ambas debidamente separadas e argumentadas. A proposta é un remix de ambos documentos con falta de acreditación normativa que de fundamento e argumentación que sustente adecuadamente a proposta.
Dentro do apartado económico, do que debera formar parte da Memoria Económica, bótase en falta unha referencia básica inicial ao Decreto 119/2012, do 3 de maio, polo que se regulan as retribucións e percepcións económicas aplicables aos órganos de goberno ou dirección e ao persoal directivo das entidades do sector público autonómico.
En dita norma regúlase no seu artigo 3, do ámbito obxectivo de aplicación, e de conformidade co preceptuado no apartado e) encadra a Empresa propoñente dentro das sociedades mercantís públicas autonómicas a que se refire o artigo 102 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, como así se recoñece no artigo 1 dos Estatutos da Empresa.
