A Lei 20/2021 establecía como data límite para formalizar a OPE extraordinaria de estabilización o 31 de maio de 2022. UGT Servizos públicos fixemos o seguimento día a día, das publicacións nos boletíns provincias (BOPs) e no DOG de concellos e deputacións que anunciaron a OPE de ESTABILIZACIÓN conforme ao establecido na Lei 20/21. Tamén incluímos as entidades locais, mancomunidades e organismos dependentes dos concellos que fan o mesmo anuncio de estabilización.
Cumpre sinalar que algúns Concellos xa publicaron antes de rematar o ano 2021, convocatorias de OPE no DOG e non no BOP que lle correspondía, e algúns non publicaron nada.
O total de OPES publicadas é de 264 e o total de prazas é de 6.988 prazas a estabilizar, e que teñen a seguinte distribución por provincias:
- A Coruña con 93 concellos anuncia a estabilización en 68 (73,1%). 2.160 prazas a estabilizar.
- Lugo con 67 concellos anuncia a estabilización en 57 (85%). 1.240 prazas a estabilizar.
- Ourense con 92 concellos anuncia a estabilización en 88 (95;6%). 1.789 prazas a estabilizar.
- Pontevedra con 61 concellos anuncia a estabilización en 51 (83,6%). 1.799 prazas a estabilizar (concellos + deputación + entidades).
Trátase sen dúbida de datos de ofertas de prazas moi elevado no marco dun proceso extraordinario no que o concurso de méritos será a vía de acceso.
As OPEs da Administración local en Galicia, no seu conxunto é a maior oferta de prazas de todas as administracións (autonómica, central, Sergas ou ensino), e demostra a veracidade das afirmacións do sindicato que situaban a administración local como a de maior temporalidade de emprego público.
