UGT Servizos Públicos firma o Plan de Igualdade de DomusVi

UGT Servizos Públicos firma o Plan de Igualdade de DomusVi

Asinamos o PLAN DE IGUALDADE de DOMUSVI, negociado por UGT Servizos Públicos e a Federación de Sanidade de CCOO, así como o Protocolo de Prevención e Detección do Acoso Sexual.

Os obxectivos xerais deste Plan, pódense resumir en nove apartados: Organizativos, Selección e Contratación; Promoción Interna; Política Salarial; Formación e Sensibilización; Corresponsabilidade e Conciliación; Saúde Laboral; Comunicación e Sensibilización e Violencia de Xénero.

Dentro da área de selección e contratación destacariamos as seguintes medidas:

  • No proceso de selección aplicarase unha acción positiva segundo a cal, en igualdade de idoneidade para o posto, terá preferencia o sexo infrarrepresentado nese posto ou categoría, sempre tendo en conta que dita infrarrepresentación está en función da proporción global de homes e mulleres na empresa.
  • Incorporar nos contratos con empresas externas unha cláusula “social” pola que se esixe o compromiso da empresa externa no cumprimento do principio de igualdade de trato por razón de sexo no emprego.
  • Valorar nos currículos a formación en igualdade, tanto para a selección como para a promoción.
  • Compromiso da empresa de poñer os medios necesarios para promover a conversión das xornadas parciais en completas, en polo menos un 6% ao longo dos catro anos de duración do plan de igualdade.

 

Respecto á área de promoción interna:

  • Garantir que, en igualdade de condicións de idoneidade, e respecto a vacantes en postos de dirección nas que exista unha infrarrepresentación feminina, terán preferencia as mulleres para ser promocionadas.

 

En relación á área de violencia de xénero, queremos subliñar os seguintes puntos:

  • Nos casos de mobilidade xeográfica por violencia de xénero a outro servizo do grupo, procederase ao abono dunha axuda directa de ata mil euros para cubrir os gastos en concepto de mudanza ou alugueiro do primeiro mes.
  • Establecer un permiso retribuído de 5 días, no caso de traslado a outro centro de traballo da empresa, motivado pola condición de vítima da traballadora.
  • Garantir dez sesións (por un importe de 60 euros por sesión) de asistencia psicolóxica ás traballadoras vítimas da violencia de xénero, así como ás súas fillas e fillos menores de idade.
  • Realizar unha revisión e proposta de mellora das condicións de contrato da traballadora vítima de violencia de xénero, baixo petición da interesada.

 

Destacamos a importancia do Protocolo de Prevención, Detección e Actuación ante situacións de Acoso sexual, Acoso por razón de sexo e Acoso por razón de orientación sexual e identidade de xénero e ciberacoso.

Desde UGT Servizos Públicos expuxemos propostas positivas comprometendo á empresa DomusVi a negociar medidas en todas as áreas nas que se detectaron desigualdades e introducindo outras para garantir transparencia nos procedementos de contratación, promoción e selección.

 

UGT en todos os Plans de Igualdade traballa para comprometer ás empresas en adoptar medidas que superen as xa legalmente establecidas nos temas relacionados con Violencia de Xénero.

 

volver arriba

Coñécenos

Sectores

Servizos

Areas

Siguenos

Utilizamos cookies propias y de terceros para nuestros servicios, analizar sus hábitos de navegación, elaborar información estadística e inferir grupos de interés. Además compartimos los análisis de navegación y los grupos de interés con terceros. Al clicar en "Aceptar" o SI CONTINÚA NAVEGANDO, ACEPTA SU USO. También puede CONFIGURAR O RECHAZAR la instalación de cookies  “Cambiando la configuración de su navegador".