De persoa traballadora “analóxica” a “dixital” en 30 horas de formación. Infórmate e aproveita este curso gratuíto

De persoa traballadora “analóxica” a “dixital” en 30 horas de formación. Infórmate e aproveita este curso gratuíto

A finais da época dos noventa do pasado século produciuse un acelerón informático, sobre todo debido á incorporación de internet, tanto na nosa vida cotiá como nos nosos postos de traballo.

Con todo, o coñecemento que as persoas traballadoras posuímos sobre “dixitalización” non evolucionou ao mesmo ritmo que as tecnoloxías, a infame pandemia de Covid-19 evidenciouno aínda máis.

Todas e todos utilizamos a diario as tecnoloxías pero non as entendemos nin as dominamos completamente, o que converte calquera erro cometido -por pequeno que sexa- nun auténtico quebradeiro de cabeza. Ademais a irrupción do teletraballo nas nosas vidas fai que sexa necesario un coñecemento máis amplo dos posibles problemas que nos podamos atopar e as súas solucións.

UGT entende que o futuro avance profesional das persoas traballadoras pasa por mellorar as súas competencias dixitais e, en consecuencia, involucrouse activamente dentro do proxecto financiado polo Ministerio de Educación e Formación Profesional e Unión Europea - NEXT GENERATION.

A Unión Europea aposta por uns obxectivos en materia dixital para o ano 2030, que van supoñer a creación dunha importante cantidade de postos de traballo con perfil de coñecementos en materia dixital en todos os ámbitos produtivos, o que converte aos chamados “coñecementos en dixitalización” nunha importante materia transversal a aplicar en todos os ámbitos da nosa vida diaria e a nosa actividade laboral.

Nun curto espazo de tempo, todos nós deberemos ter estas competencias para ser máis eficientes nos nosos postos de traballo e por iso, á hora de atopar ou acceder a un novo emprego, os empregadores van esixir que posuamos este tipo de coñecemento antes de incorporarnos á actividade laboral da empresa.

O 18 de xaneiro publicouse no Boletín Oficial do Estado o Real Decreto 46/2022, polo que se establecen determinadas cualificacións profesionais, entre as cales se atopa a Acreditación da Cualificación Profesional IFC748_2 Dixitalización Aplicada á Contorna Profesional, -correspondente á rama Informática e Comunicacións-, en cuxo anexo III podedes atopar toda a información relativa á mesma.

UGT, a través do proxecto NEXT GENERATION, puxo a disposición de todas as persoas traballadoras o curso “Dixitalización aplicada ao sector produtivo”, destinado a capacitalas en competencias dixitais. Este ten unha duración de 30 horas (6 semanas) en modalidade en liña.

Esta acción formativa é gratuíta para calquera persoa traballadora que se atope en activo, xa sexa por conta allea, por conta propia, traballador en situación de ERTE ou empregado público.

Unha vez realizado e superados todos os controis periódicos, proporcionarache un diploma acreditativo do Ministerio de Educación e Formación Profesional.

A través da firma deste diploma, autorizarás ao Ministerio para iniciar os procedementos de acreditación da Cualificación Profesional IFC748_2 Dixitalización Aplicada á Contorna Profesional (Real Decreto 46/2022, DO 18 de xaneiro) composta -no caso do curso que nos ocupa- polas unidades de competencia “UC2490_2: Aplicar tecnoloxías habilitadoras dixitais para a xestión de dispositivos e datos na contorna profesional” e “UC2491_2: Aplicar tecnoloxías habilitadoras dixitais para a xestión de contidos na contorna profesional” pertencentes a cualificación mencionada anteriormente.

Se te decides a realizalo, cando o completes aprenderías as competencias básicas relacionadas coa información e alfabetización dixital, a comunicación e a colaboración, a creación de contidos dixitais, a seguridade na rede e a resolución de problemas. O curso está composto por cinco Accións Formativas máis unha Acción Formativa inicial que che ofrecerá unha visión global das tecnoloxías habilitadoras.

 

ACCEDE AQUÍ A TODA A INFORMACIÓN PRÁCTICA SOBRE ESTE CURSO

 

Si queres inscribirte PREME AQUÍ, ou ben a través deste código QR 

 

Captura de pantalla 2022 09 12 112047Captura de pantalla 2022 09 12 112026

 

 

 

 

 

 

 

 

 

 

 

 

 

 

 

 

 

 

 

 

 

 

 

 

volver arriba

Coñécenos

Sectores

Servizos

Areas

Siguenos

Utilizamos cookies propias y de terceros para nuestros servicios, analizar sus hábitos de navegación, elaborar información estadística e inferir grupos de interés. Además compartimos los análisis de navegación y los grupos de interés con terceros. Al clicar en "Aceptar" o SI CONTINÚA NAVEGANDO, ACEPTA SU USO. También puede CONFIGURAR O RECHAZAR la instalación de cookies  “Cambiando la configuración de su navegador".